गीतसंगित म कैह्यासे लग्लि ?
भिडियो टे अलि पहिलिहिसे खेल्ले रहु लेकिन गायन मे लागल चाहि ३ बरस हुइल ।
यी क्षेत्रम लग्ना खास उदेश्य का हो ?
एकठो ते रहर हो औरे चाहि थारु समुदाय हे बिश्व ब्यापि चिन्है सेकम की कहिके लगल हो ।
आम्हिनसम अप्न कबिलाहुकनह्क बिचम कैठो गीत अन्लि ट ?
अभिन सम मै दुइ दर्जन से धेर गीत मै बजार मे नान सेक्ले बाटु ।
अत्रा ढ्यार गीतम स्वर डेसेक्ल बाटि । यी गीत मध्ये बहुट चर्चाम अईलक गीत कौन हो ?
चर्चित गीत धेर बाटै लेकिन उ मध्य सकहौन से ढेर रुचाइल गीत चाड जैसिन ओ देश भक्ति गीत उठो जागो हे युवा शक्त्ति हो ।
अप्नक ध्यार जसो गीत थारु भासम बा । का थारु भासक गीत गाखन ब्याबसायिक गायक बन सेक्नास लागट ट ?
थारु गीत गाके ब्यबसायिक गायक बन्ना गार्हो बा तर सङ्घर्ष कर्के मजा माहोल बनाइ सेक्ले से पेट पाले सेकजाइठ ।
हमार देशम बहुट भासाभासिम गीतसंगित बा । ज्याकर संरक्षण प्रबर्द्धन म अप्न हुक्र बहुट योगदान डेटि आइलबाटि अप्नहुकन टिकाइलाग राज्यके निकायसे का करडेलसे मजा हुईट जसिन लागट ?
राज्य से ते कौनो आशा नै हो तर राज्य हेर्ना चाहि कलेसे सर्ब प्रथम हमार कलाकारिता हे सम्मान कर्डेहे परल मजा मजा सास्कृतिक कार्यक्रममे लगनि करडेहे परल ।
पाछक समयम खास थारु गीतबास , सज्ना , मैनासे फे नेपाली थारुम रिमिक्सखालके गीत अईटि बा असिन खालके गीतले थारुनके मौलिकपन ट नै हराई ?
उ टे सोटह हेरैना हो । समय अनुसार चलेक फे परठ तर यी बचाइक लाग हामार अग्रज बुद्दिजिबि कलकार हुक्रे लौव आइना कलाकार हुकन सिखैले से बचे सेकि ।
हुईना ट जमाना अनुसार चल्ना ट हो । तर जमानाके नाउम पश्चिमी संस्कृतिम लाग्ख कहोंरे आपन अस्तित्व ट नै गुमाईठुई ?
नाइ ओइसिन ते नाइ हुइ काकरे की हम्रे सके सम हमार थारु कल्चर गीत फे ढिरे ढिरे बुझ के निकर्ना कोसिस मे लगल बाटि हम्रे अपन थारु सस्कृति हेराइ नाइडेब ।
अन्तम कुछु कह पर्ना बा कि ?
अन्तम अप्ने बात ढर्ना मौका डेलि ओकर लाग ढेर से ढेर धन्यवाद ओ सक्कु मैगर दर्शक श्रोता हुक्रन हे फे ढेर से ढेर धन्यवाद अट्ना ढेर माया कर्के महिस साठ् डेले बाटि अस्टके माया कर्टि रबि कना आस करल बाटु ।
