मै तुलसिपुर उपमहानगर पालिकके उपमेयर पदके लाग नेकपा एमालेमसे उम्मेद्वार हुईटु । हमार चुनावी अभियान तिव्र रुपम चलल बा । सक्कु नेता, कार्यकर्ताठेसे लेक तुलसिपुर वासीहुक्र हमार पक्षम साथ ओ समर्थन डेल बाट ।
हम्र घरदैलो अभियानमसे जनताहुकनके आवज लेना, समस्याके पहिचान कर्ना ओ उह मेरीक योजना बनाख जन्तन्हक माग ओ मुद्दाह सम्बोधन कर्टी आघ बहर्ना लक्ष्य सहित खुला ड¥वम न्याङगल बाटी । नेकपा एमालेक नेतृत्वम रहल स्थानिय सरकारसे ढेर विकासके काम होस्याकल बा । आब आधा रहल कामह पुरा कर्ना ओ लौव योजना लेक हम्र फे दोस्र नेतृत्व तहम आइक लाग चुनावी अभियानमसे सक्कु तुलसिपुर नगरवासि हुकन भेट्ना काम कर्टी बाटी । हमन सक्कु जन्हक साथ ओ समर्थन बा । पक्क फे हमार ऐजेण्डा ओ हमार अठोटले केल तुलसिपुरम विकास ओ समृद्धिके बात सफल हुई कना हम्र बुझ्ल बाटी ।
उपमेयरके रुपम उम्मेद्वारी डेल बाटु । उहमार जनताहुक्र महि जितैही कनाम मै ढुक्क बाटु । मै एकठो सामाजिक क्षेत्रमसे काम कर्टी रहल ओर्से नागरीकहुकनके समस्या ढेर बुझ्ल बाटु । मै महिला हुईलक कारणसे फे महिला हुकनके हक अधिकार स्थापित करकलाग ढेर काम करपर्ना ओर्से सक्षम महिलाके रुपम आघ आईल बाटु ।
अक्खन हम्र कक्षा १२ सम्म पहर्ना विद्यार्थी हुकन निशुल्क शिक्षा डेना, स्वास्थ्य सेवा निशुल्क बनैना, महिला सुरक्षा, बालगृह स्थापना, मानवआश्रम बनैना, परम्परागत संस्कृतिह सरक्षण कैख पर्यटकिय रुपम तुलसिपुरह विकास कर्ना, स्मार्ट सिटी बनैना कामह लग्ढार बनैना, सुशासनयुक्त भ्रष्टाचार रहित ओ सहभागितामुलक पालिकाके रुपम विकास कर्ना हमार योजना बा । और विकास ओ समृद्धिसे ज्वारल ढेर योजना बा उहमार सक्कु तलसिपुर वासीहुक्र हमन जितैहीं कनाम हम्र विश्वस्त बाटी ।
प्रस्तुति : नविन चौधरी
