दाङ तुलसीपुर उपमहानगरपालिकाको मेयर र उपमेयरमा नेकपा (एमाले) का उम्मेदवारले थप आफ्नो मतान्तर बढाउदै अग्रता कायम गरेका छन्।
एमालेका मेयर उम्मेद्वार टीकाराम खड्काले गठबन्धनतर्फबाट नेपाली कांग्रेसको उम्मेदवार गेहेन्द्र गिरीलाई झण्डै एक हजार मतले पछाडि पारेकाछन् । खड्का आफ्नो निकटम प्रतिस्पर्धी गिरी भन्दा ९६२ मत अगाडि छन्।
३७ हजार ८५२ मत गणना गर्दा खड्काले १५ हजार ९१७ मत पाएकाछन्, भने गिरीले १४ हजार ९५५ मत प्राप्त गरेका छन्।
यसैगरी उपमेयरमा शुरुआतदेखि नै अग्रस्थानमा रहेका एमालेकी स्यानी चौधरी थप मतान्तर बढाउँदै लगेकी छन्। उनि आफेनो प्रतिस्पर्धी भन्दा चौधरीले चौधरीले ३ हजार ९९४ मतले अगाडि छन् ।
चौधरीले १५ हजार ६८ मत र गठबन्धनका तर्फबाट उम्मेदवार बनेका नेकपा (एकीकृत समाजवादी) का जोगबहादुर रानाले ११ हजार ७४ मत प्राप्त गरेका छन्।
तुलसीपुर उपमहानगरमा ७४ हजार ३९३ मत खसेको छ ।
