१३ भदौ।
आईतबार तुलसीपुर क्षेत्रका सम्पूर्ण विद्यालयहरु बन्द हुने भएका छन् । पश्चिम नेपालको थारू समुदायको दोस्रो ठूलो पर्व ‘अट्वारी’को अवसरमा निजी तथा सामुदायीक विद्यालय बन्द हुने भएका हुन् ।
वार्षिक विदा कटौती गरि आईतबार विद्यालय बन्द गर्ने निर्णय भएको तुलसीपुर उपमहानगरपालिकाको शिक्षा महाशाखाले जानकारी दिएको छ ।
थारू समुदायमा कृष्ण अष्टिम्की पछिको दोस्रो आईतवार अथवा कुश अमाँवस कुशे औंशी पछिको पहिलो आईतबारलाई अट्वारी मान्ने चलन छ । यस पर्वमा भेवाँ (भिम)को पूजा गर्ने गर्दछन् ।
