काठमाडौं, १८ कुवाँर । आदिवासी जनजाति नेता राजकुमार लेखी नेकपा (एमाले) म प्रवेश कर्ल बाट । ललितपुर गोदावरी स्थित सनराइज सम्मेलन केन्द्रम नेकपा एमालेक विधान महाधिवेशनके समापन कार्यक्रमम लेखि सहित पचपन्नज नेता तथा कार्यकताहुक्र प्रवेश कर्लक नेकर्पा एमालेके संसदीय दलके सचेतक शान्ता चौधरी जनैली । उहाँके अनुसार पार्टि प्रवेशम नेपाली काँग्रेस, जसपा, लोसपा तथा नेत्रविक्रम चन्द विप्लब नेतृत्वके नेकपा (माओवादी) पार्टी परित्याग कैख नेता कार्यकताहुक्र एमालेम प्रवेश कर्लक हुइट ।
नेता लेखी यिहिसे आघ लोकतान्त्रिक समाजवादी पार्टी (लोसपा) कार्यकारिणी सदस्य रलह । चार दिन आघ उहाँ लोसपा पार्टीमसे राजिनामा डिहल रलह । आदिबासी जनजाति महासंघके पुर्व केन्द्रीय अध्यक्ष एवं थारु कल्याणकारिणी सभाके पुर्व केन्द्रीय महामन्त्री समेत रलक लेखी यिहिसे आघ एमालेम रख नम्मा समयसम राजनीति कर्ल रलह । लेखी आदिवासी जानजाति व थारु आन्दोलनह उचाइम पुगैलक स्थापित व पहिचानवादी नेता हुइट ।
नेता लेखी सहितक नेता तथा नवप्रवेशी कार्यकर्ताहुकन अध्यक्ष केपी शर्मा ओली, महासचिव ईश्वर पोखरेल, स्थायी कमिटी सदस्य सुवासचन्द्र नेम्वाङ लगायत टीका लगाख स्वागत कर्लरलह । उह अवसरम बिप्लब चन्द नेतृत्व दलके पोलिटव्यूरो सदस्य अमर धमला फे एमालेम प्रवेश कर्लक एमाले जनेल बा ।
