दाङमा माओवादी केन्द्र र समाजवादी पार्टी परित्याग गर्दै एमाले प्रवेश गर्नेको लहर बढेको छ ।
घोराही उपमहानगरपालिका वडा नं. ३ र ४ मा आज ६० जना भन्दा वढि माओवादी र समाजवादीका नेता तथा कार्यकर्ता एमालेमा प्रवेश गरेको एमालेले बताएको छ ।
घोराही उपमहानगरपालिका वडा नं. ३ का वडा अध्यक्ष तथा नेकपा एमालेका नेता मुनाल घिमिरेले नेकपा एकिकृत (समाजवादी) का नेता यमबहादुर गौतमको नेतृत्वमा नेकपा माओवादी केन्द्र, समाजवादी र नेपाली काँग्रेसका स्थानीय नेता तथा कार्यकता प्रवेश गरेको बताए ।
उनिहरुलाई नेकपा एमालेका पोलिटव्यूरो सदस्य तथा जिल्ला इन्चार्ज नरुलाल चौधरीले टीका लगाएर स्वागत गरेका थिए । घोराही उपमहानगरपालिकाका नगरप्रमुख समेत रहेका चौधरी एमालेको नेतृत्वमा मात्र देशका समृद्धि हुने बताएकाथिए ।
‘देशभर विभिन्न पार्टी त्याग गरेर एमालेमा प्रवेश गर्नेहरुको लहर चलेको छ, उनले भने,-एमालेको प्रभाव देखेर सत्तापक्षहरु अत्तालिएकाछन्, गठबन्धनबाट महागठ बन्धन बनाए पनि एमालेको अगाडि कुनै काम छैन ।’
