नेकपा माओवादी केन्द्र दाङके इन्चार्ज जीवन गौतम पार्टी परित्याग कर्लक घोषणा करल बाट ।
घोराहीम सोमारक डिन्वा पत्रकार सम्मेलन कैख माओवादी परित्याग कर्लक बटोइल । माओवादीम चरम गुटबन्दी, नातावाद, परिवारवाद हावी हुइलक् ओर्से पार्टी परित्याग करपर्लक उहाँके कहाइ रलहिन । माओवादी परित्याग कर्लसे फे कम्युनिष्ट विचारधारा निछोरर्ना तर तत्काल स्वतन्त्र होख समाज सेवाम लग्ना गौतम बटोइल ।
‘नेकपा माओवादी केन्द्र कम्युनिस्ट पार्टी फे निरलकलक टिप्पणी कर्टि गौतम कल, माओवादी कम्युनिष्ट आदर्श समेत गुमैल बा ।’ घोराही उपमहानगरके मेयरका टिकट निपाइलपाछ पार्टी छोर्लक माओवादीके स्थानीय नेताहक्र बटोइलसे फे गौतम पदके लोभ निहुइलक बटोइल । ‘पदको लोभ निहो, म्वार स्वाभिमान बचाइलाग पार्टी परित्याग कर्लक् हुँ,’ गौतमले कल ।
उहाँ घोराहीके मेयरके दाबेदार रलह । गत निर्वाचनम फे उहाँ माओवादीमसे घोराहीके मेयरम उम्मेदवार रलह । उ ब्याला हर्लक गौतम अखिस फे मेयरम उठ्ना इच्छा डेखैल रलह ।
