बैशाख, २७ । दंगीशरण गाउँपालिकामा पहिलो पटक एक व्यक्तिलाई शनिवार क्वारेन्टाइनमा राखिएको छ ।
छिमेकी जिल्ला कपिलवस्तुबाट आएका दंगीशरण गाउँपालिका वडा नं. ४ का ३५ बर्षिया एक पुरुषलाई गाउँपालिका स्थिति हेकुली विरेन्द्रमाबिमा रहेको क्वारेन्टाइनमा राखिएको गाउँपालिका अध्यक्ष भागीराम चौधरीले जानकारी दिए । उनका अनुसार ती पुरुष शनिवार विहान कपिलवस्तुबाट आएको बताइएको छ । चउनको अवस्था भने सामान्य रहेको अध्यक्ष चौधरीले जानकारी दिए ।
पछिल्लो पटक छिमेकी जिल्ला कपिलबस्तु र बाँकेमा कोरोना संक्रमित विरामीहरुको संख्या बढ्दै गएपछि छिमेकी जिल्लाबाट आउने जोकोहिलाई पनि क्वारेन्टाइनमा राख्ने अध्यक्ष चौधरीले बताए । कोरोना संक्रमण जोखिमबाट बच्नका लागि गाउँपालिकामा विशेष अभियान चलाएको समेत उनले बताए ।
दंगीशरण गाउँपालिकाले १० वेडका क्वारेन्टाइन तयारी अवस्थामा राखिएपनि प्रयोगमा भने आएकोथिएन ।
