घोराही उपमहानगरपालिकासे आर्थिक वर्ष २०८०/०८१ के लाग दुइ अर्ब १५ करोड ५४ लाख ८३ हजार रुप्याके बजेट विनियोजन करल बा । अट्वारक डिन्वा नगर उपप्रमुख हुमा डिसी नगरसभाके १३ औं कचेहरी कार्यक्रमम यी बजेट विनियोजन करल हुइटी ।
उहाँ बजेट प्रस्तुट कर्र्टि देशके आर्थिक स्रोतउप्पर डेखपरलक संकुचनके कारण बजेटके आकार चालु आर्थिक वषसे ७.४५ प्रतिशतले घटैलक् जनैली । कुल बजेटमध्ये चालुतर्फ एक अर्ब २८ करोड तीन लाख ४० हजार (५९ दशमलव ४० प्रतिशत) व पुँजीगत तर्फ ८७ करोड ५१ लाख ४३ हजार (४० दशमलव ६० प्रतिशत) बजेट विनियोजन कर्लक उपमेयर डिसी जनैली । कुल विनियोजित बजेटमध्ये संघ सरकारसे प्राप्त हुइना ससर्त अनुदान ७६ करोड ५९ लाखमध्ये पाँच करोड ३१ लाख (छ दशमलव ९३ प्रतिशत) पुँजीगत खर्च व ७१ करोड २८ लाख (९३ दशमलव शून्य सात) प्रतिशत चालु खर्च रहल बा । ओस्टक प्रदेश सरकारसे प्राप्त हुइना ससर्त अनुदान चार करोड ७८ लाख ५० हजारमध्ये चार करोड ६४ लाख (९६ दशमलव ९७ प्रतिशत) पुँजीगत खर्च व १४ लाख ५० हजार (तीन दशमलव शून्य तीन प्रतिशत) चालु खर्च रहल बा ।
संघ तथा प्रदेश सरकारसे प्राप्त वित्तीय समानीकरण अनुदान, राजस्व बाँडफाँड व रोयल्टी तथा उपमहानगरके आन्तरिक आय घर जग्गा रजिस्ट्रेशन, बैंक मौज्दातसमेतबाट विनियोजन कैगिलक् बजेट एक अर्ब ३४ करोड १७ लाख ३३ हजारमध्ये ५६ करोड ६० लाख ९० हजार (४२ दशमलव २० प्रतिशत) चालु खर्च व ७७ करोड ५६ लाख ४३ हजार (५७ दशमलव ८० प्रतिशत) पुँजीगत खर्च रलक उपमेयर डिसी जनैली ।
सामुदायिक विद्यालयम प्रारम्भिक बाल कक्षाके सुधार तथा शैक्षिक भौतिक संरचनाके निर्माण व स्वयंसेवक शिक्षकमार्फत शिक्षाके गुणस्तर अभिवृद्धि कर्ना, कृषिम व्यावसायिकरणक लाग सिँचाइ सुविधा ’डीप बोरिङ’ सञ्चालन, स्वास्थ्य संस्थाके पूर्वाधार तथा क्षमता सुदृढीकरण कैख आधारभूत स्वास्थ्य सेवाके विस्तार कर्ना लक्ष्यके साथ बजेट आन्गिल बा । अस्टक सिकलसेल एनिमियाके उपकरण खरिद व सचेतना अभियान, स्वास्थ्यकर्मी व्यवस्थापन, लागूऔषध दुर्व्यसनीमुक्त नगर घोषणा लगायतके लाग बजेट विनियोज कैगिल बा ।
ओस्टक खरके (फुस्का) छाना हटाक खरके छाना मुक्त नगर घोषणा, उज्यालो नगर अभियान, बेरोजगार युवायुवतीहुकनकेलाग उद्यमशीलता, सीपमूलक तालिममार्फत रोजगार÷स्वरोगार बनैना, कार्यक्रमके लागि बजेट विनियोजन कैगिलबा । अस्टक एकीकृत सहरी विकासके ढाँचा अनुरूप सक्कु क्षेत्रके दिगो एवम् सन्तुलित विकास कर्ना, वडाके मुख्य सडकम कालोपत्र कर्ना, सार्वजनिक सेवा प्रवाहह चुस्त बनैना, गरिबी न्यूनीकरणम टेवा पुगैना, उद्यमीहुकनके लाग स्तरोन्नती कार्यक्रम लगायके लाग बजेटम विनियोजनक कर्लक नगर उप्रमुख डिसी बटोइली ।
थारु समुदायके उत्थानके लाग एक करोड
घोराही उपमहनगरपालिकासे अट्वारक डिन्वा अन्लक कुल बजेटमध्ये थारु समुदायके उत्थानके लाग मेरमेह्रिक शिर्षकम करिब एक करोड बजेट विनियोजन कैगिल बा ।
उपमहानगरके बजेट किताबम थारु भाषक किताब छपाइके लाग ३२ लाख, कक्षा दुइ लाख के थारु भाषक किताब लिखकलाग २ लाख बजेट छुत्यागिल बा । ओस्टक सिसकलसेल एनियिमा उपकरण खरिदके लाग २५ लाख, सिकलसेल एनिमिया अभियान कार्यक्रमके लाख ३ लाख, थारु भाषा, प्रवद्धनके २ लाख, अट्वारी मिलन कार्यक्रमके लाख ७५ हजार बजेट विनियोजन कैगिल बा ।
अस्टक माघ मिलन कार्यक्रके लाग ३ लाख, थारु संह्रालयके लाख ५ लाख, मुक्त कम्लरी सहयोग कार्यक्रमके लाग ४ लाख व थारु कल्याणकारिणी सभाके भवनकउ उप्पर ट्रष्ट बनाइलाग ५ लाख बजेट छुत्यागिल बा ।
