भदौ ३ म काठमाण्डौम अस्टिम्की मनैना

 

काठमाण्डौम रलक थारु संघ संस्थाके संयुक्त आयोजनाम भदौ ३ गेत काठमाण्डौम अस्टिम्की कार्यक्रम २०७९ हुइना हुइल बा ।

शनिच्रक डिन्वा काठमाण्डौके भृकुटी मण्डम जुट्लक थारु अगुवा, कलाकार, पत्रकार हुकनके ख्यालमसे असिन कार्यक्रम कर्ना निर्णय हुइलक राष्ट्रिय थारु कलाकार मंचके महासचिव रोशन रत्गैया बटोइल । उहाके अनुसार विगतके वर्षम फे काठमाण्डौमा अस्टिम्की मनैना कार्यक्रम कर्टि आइल बा ।

यदपी यि वर्ष वृहत व भब्य बनैना हुइलक ओर्से अखिस सामुहिक रुपम मनैना निर्णय हुइलक उहाँ बटोइल । राष्ट्रिय थारु कलाकार मंचके मुख्य संयोजनम व बर्दियाली बिकास मंच, चम्पन सास्कृतिक समूह, जेनुस इन्टरनेश्नल, थारु विद्यार्थी समाज, ख्याल बगाल, सर्बहित समाज नेपाल, युनिक थारु ग्रुप, आइ.एम ग्रुप लगायतके सह आयाजनाम अष्टिम्की कार्यक्रम कर्ना निर्णय हुइलक मंचके महासचिव रत्गैया जनैल । मिडिया पार्टनरम थारुवान डट कम, पहुरा डट कम, केर्नी न्युज, लौव अग्रासन साप्ताहिक, रातोपोटी डटकम लगायत मिडिया रहल बा ।

अग्रासन खबर

प्रतिक्रिया दिनुहोस्

भर्खरै प्रकासित