कल्पना चौधरी
घोराही, १२ वैशाख । थारु पत्रकारहकुनके क्षमता विकास कर्ना उद्देश्यले आयोजना कैगिलक् ई पत्रकारिता तालिम सोमारक डिन्वा ओराइल बा ।
तालिम समापन कार्यक्रमम बोल्ना वक्ताहुक्र तालिमम सिखल बातह व्यवहारम लागु करसेक्लसेकेल तालिम लेलक उद्देश्य पुरा हुइना बटोइल रलह । पाछक अवस्थाम इ पत्रकारिता आकर्षण बहर्टि गैलकओर्से थारु पत्रकाहुकन इ पत्रकारिता कर्नाम थप सहयोग पुग्ना विश्वास रलक नेपाल पत्रकारा महासंघ दाङ शाखाके अध्यक्ष दुर्गालाल केसी बटोइल । पत्रकारितामा पेशाम मेहनत करसेक्लसे बहुट सम्भावना ओ सम्मानजनक पेशा हुइलक्ओर्से थारु समुदायमसे बहुट थारु पत्रकार यी पेशाम आइपर्ना जरुर रलक् केसी बटोइल । थारु पत्रकारहुकनके क्षमता विकासके लाग व थारु पत्रकार वृद्धि करकलाग नेपाल पत्रकार महासंघसे करपर्ना सहयोग व सहकार्य कैख आघ बहर्ना प्रतिवद्धता समेत कर्ल ।
ओस्टक लौव अग्रासन साप्ताहिकके सम्पादक सन्तोष दहित थारु पत्रकारकार हुकनके ज्ञान सीपमम थप सहयोग पुगैना उद्देश्यले थारु पत्रकारहुकन इ पत्रकारिता तालिम डेलक बटोइल । विगतम फे लौव अग्रासनसे विविध तालिम ओ कार्यक्रम कर्टि अइलक दहित थारु भाषा, कला, संस्कृतिके संरक्षण व प्रवद्धनके लाग लौव अग्रासन अभियानके रुपम कार्यक्रम कर्टि अइलक दहित बटोइल । अग्रासन प्रकाशन संगसंग थारु पत्रकार उत्पादन कर्नाम फे अभियान चलैटि अइलक दहितके कहाइ रलहिन ।
थारु पत्रकार संघ दाङके अध्यक्ष नविन चौधरीके अध्यक्षताम हुइलक समापन कार्यक्रम तालिम सहजकर्ता लक्ष्मिान चौधरी, तालिम सहभागीके टरफसे विनोद चौधरी व आशा चौधरी बोल्ल रलह । कार्यक्रमके सहजिकरण कल्पना चौधरी कर्लरलही । लौव अग्रासन साप्ताहिकके आयोजना व घोराही उपमहानगरपालिककाके आर्थिक सहयोगम हुइलक तालिमम पत्रकार टिका बस्नेत, दुर्गालाल केसी, बसन्त आचार्य, सन्तोष दहित, लक्ष्मिमान चौधरी, दिप्तीशिखा चौधरी, नविन चौधरी लगायत सहजिकरण कर्ल रलह ।
