बाबा कि सगरवाम,
मुरिया लहान गैनु हाँ
सेन्डुरा छुटल पानी घाट
सखिए हो ! सखिए हो !
यी गीत सोमारक डिन्वा घोराही उपमहानगरपालिका १४ झिंगौराम आयोजित माघ मिलन व साँस्कृतिक कार्यक्रम नाच अैना जन्याऔं बागल स्टेजम गैटिरलह । उज्जर गोन्या, लाल ब्लावज हातम मंजौरा व ठोप्री मर्टि दुइ लाइनम गीत गैटि रलह कलसे विचम मन्डर्या व नचन्या मघौटा नाच नच्टि रलह । जौन मघौटा नाच व मघौटा गीतले झिंगौरा गाउँ जाट् चैनार रह । उह मघौटा नाच ह्यारअइना मनैनके फे भिडभाड ओस्ट रह । यी त झिंगौरा गाउँम डेखैलक् एक्ठो उदाहरण केल हो । ओसिन त आब थारु गाउँ घरम हरेक डिन्वा माघ मिलन व साँस्कृति कार्यक्रम कर्ना होडबाजि बा ।
ओस्टक शहर बजारम फे माघ महोत्व मनैना फे पाछक समयम चलल बा । बर्षक एक फ्यारा अइना माघ टिह्वारम थारु समुदाय हरेक वर्ष अस्टक नाच गान, रहारंगित कैख मनैठ । थारु समुदायके माघ नाचगान व रहारंगितमकेल निहोख लौव वर्षके रुपम फे मनैना कर्ठ । खास कैख माघ थारु समुदायके बरा महत्वपूर्ण पर्व रलक नेकपा एमालेके पोलिटव्यूरो सदस्य शान्ता चौधरी बटोइली । ‘विगतके माघम कमैया, कमम्लरी पठैना, छुटैना व कौन जिम्डर्वक जग्गा लगैना कैखि हेर्र्जाए उहाँ कठि,–तर, अखिसके माघ बहुट परिवर्तन आइल बा ।’
आब थारु समुदायके मनै माघह स्वतन्त्रता पर्वके रुपम मनैना कर्लक उहाँ बटोइली । ओस्टक माघम बर्षदिनके कामके समिक्षा कर्ना व लौव योजना बनैना हुइलकओर्स फे माघ आपन्हे महत्वपूर्ण बा चौधरी कली ।
