काठमाण्डौ, २० अगहन । थारु एन्ड फ्रेन्ड्स एशोसिएस (टीएफए) मेधावी थारु विद्यार्थीहुकनके लाग छात्रवृत्तिके लाग अर्जि कैल बा । प्राइमेरी, सेकेन्डरी व स्नातक तहके लाग छात्रवृत्ति अर्जि कैगिलक अमेरिकीबासी थारुहुकनके संस्था टीएफए जनैल बा ।
नेपालम बैस्ना सक्कु योग्य थारु विद्यार्थीहुक्र उक्त छात्रवृत्तिके लाग निवदेन डिह सेक्ने बाट । वारक लाग थारु समुदाय हुइ पर्ना, विद्यार्थीके रुपम अध्ययन कर्टि रना, शैक्षिक स्थिति मजा हुइपर्ना, सरकारी व गैरसरकारी संस्थासे कौनो किसिमके आर्थिक सहयोग लिहन निहुइपर्ना टीएफसे जारी विज्ञप्तीम उल्लेख बा ।
सन् २०२१ २२ सत्रके लाग आव्हान कैगिलक छात्रवृत्ति पुस १६ गतेसम निवेदन डिह पर्ने बा । वाकरलाग टीएफएके आधिकारिक वेवसाइटम जाख निवेदन भर पर्ने बा । सन् २०२२ के सुरुवाट याकर घोषणा कैजिना टीएफए जनैल बा ।
