दाङके दंगीशरणम दुई डिन्या रैथाने खाना महोत्सव हुइना हुइल बा ।
मटावाँ, बरघर, भलमन्सा महासङ्घके आयोजनाम दंगीशरण गाउँपालिका ३ स्थित चखौराम रलक थारू सांस्कृतिक सङ्ग्रहालयम माघ २६ व २७ गते दुई डिन्या अन्तर प्रदेशस्तरीय सांस्कृतिक तथा रैथाने खाना महोत्सव हुइलग्लक् हो ।
अस्टक महोत्सवम सांस्कृतिक प्रतियोगिता एवम् थारू लगायत विभिन्न जातजातिके रैथाने परिकारके प्रदर्शनी रहने बा । थारू परिकारम ढिक्री, अनदीे भात, रोटी, अनदीके झ्वार, सुरिक सिकार, मच्छिी, गेक्टा, घोङ घी, आलु व सिन्कीके अचार लगायत जनजातिहुकनके रैथाने परिकार बिक्री तथा वितरणक लाग ढैजिना उहाँ जनैल । ओस्टक थारू भाषाके विभिन्न पुस्तक, पत्रपत्रिका, थारू हस्तकला लगायत बिक्री तथा प्रदर्शनीके लाग ढैजिना अध्यक्ष चौधरी बटोइल । महोत्सवम उत्कृष्ट सांस्कृतिक प्रदर्शन कर्ना पहिला, ड्वासर व त्यासरह आकर्षक पुरस्कारक साथै सहभागी सक्कु सांस्कृतिक टोलीहन सान्त्वना पुरस्कार प्रदान कर्ना आयोजक जनैल बा । महोत्सवम लुम्बिनी प्रदेश, सुदूरपश्चिम प्रदेश, कर्णाली प्रदेश व गण्डकी प्रदेशके थारूहुकन्हक मौलिक भेषभुषासहितके उपस्थिति रहना महासङ्घके अध्यक्ष चौधरी जानकारी डेल ।
दुइदिनसम्म चल्ना महोत्सवम दाङ, बाँके, बर्दिया, कैलाली, कञ्चनपुर, सुर्खेत, रूपन्देही, नवलपरासी, कपिलबस्तु जिल्लाके एक हजारसे ढ्यार मटावाँ, बरघर, भलमन्सा, ककन्डवाहुकन्हक उपस्थिति रहन बा । कार्यक्रमम बरघर ऐन लगायत विषयम छलफल व महासङ्घके लौव नेतृत्व समेत चयन कर्ना उहाँ जनैल ।
