टंकु चौधरी उमेरले ७० वर्षके मठ्वा चहुर सेक्ल । तुलसीपुर उपमहानगरपालिका-१८ बिजौरी निवासी टंकु बस्या (बाँसुरी), आपन मौलिक संस्कृतिके लगाव व उत्साह भने ओस्टह बा । आधुनिकताके प्रभावसँग गाउँघरक परम्परागत संस्कृति, मौलिक भेषभूषा व बाजागाजा ओझेलम पर्टि रहल ब्याला उहँ बस्यक मधुर धुनसँग थारु समुदायके मौलिक पहिचान जोगैनाम निरन्तर लागल बाट । यिह समर्पणक कारण स्थानीयवासीहुक्र उहाँह स्नेहपूर्वक ‘बाँसुले बाजे’ कैख बोलइठ ।
कपारम पग्या, शरीरम टेनिह्वा, झुल्वा, लगौटी व और परम्परागत थारू पहिरनम सपर्ख बाँसुरी बजैना उहाँको उपस्थितिले थारू संस्कृतिके जीवित परिचय बा । जहाँ सांस्कृतिक कार्यक्रम हुइठा उहाँके बस्याके धुनले थारू मौलिकताके सन्देश फैलइना कर्लक स्थानीय बटोइठ ।
टंकु २० बर्षके उमेरठेसे करिब ५० बर्षठेसेसे थारू समुदायम प्रचलित छोट्की ‘बस्या’ बजैटी आइल बाट । आब फे गाउँघरके सांस्कृतिक तथा सामाजिक कार्यक्रमम उहाँह विशेष रूपम निमन्त्रणा कैजिठा । “मै २० वर्षके उमेरठेसे ‘बस्या’ बजाइ सुरु कर्नु उहाँ कल, गाउँघरक कार्यक्रमम बलैठ, मै जाख बस्या बजाडेठु, आबसम मै शुल्क निलेल हुइटु ।” उहाँ बस्या बजैना जीविकोपार्जनके माध्यम केल निहोख हमार संस्कृतिप्रतिके लगाव व आत्मिक सन्तुष्टिके लाग बटोइटी अइलक बटोइल । “बाँसुरी बजाइबेर महिन आनन्द मिल्ठा, उहाँकल, उहहमार आबसम यिहिन निरन्तर डेटी आइलबाटु ।” उहाँ पाछक वर्षम थारू समुदायक मौलिक पहिरन क्रमश हेरैटी गइलक फे चिन्ता व्यक्त कर्ल । उहमार मै जहाँ जाइबेर फे परम्परागत थारू पहिरन अनिवार्य रूपम लगैना कर्टि अइलक बटोइल । “भेग्वा, टेनिह्वा, झुल्वा व पग्या हमार पहिचान हो, उहाँ कल, लौव पुस्ताले फे आपन मौलिक पहिचान, परिहन व संस्ृकतिह चिन्हालाग जोगाइ पर्ना बा
थारू लोक गीत सज्ना, मैना, माँगर गीत फे ओत्र गैना सिपार टंकुके बाँसुरीके धुनसँग थारू पहिरनक मौलिकता गाउँठेसे सहरसम पुग्टि आइल बा । बजारमुखी संस्कृति व आधुनिक जीवनशैलीके प्रभावह परम्परागत संस्कृति संकटम पर्टि गैलक ब्याला पाँच दशकठेसे निरन्तर बाँसुरी बजैटी मौलिक थारू पहिरनके संरक्षणम टंकुके भारी योगदान रलक स्थानीयहुक्र बटोइठ । उहाँक निरन्तर प्रयासले थारू संस्कृति लौव पुस्तासम हस्तान्तरण कर्नाम सहयोग पुगल बा ।
