चुनाउके प्रचारप्रसार कसिन हुइटी बा ?
मंसिर ४ गते हुइना चुनाउके लाग आब मतदाताहुकनके घर घरम पुग्घ घरदैलो कर्ना, मतदाताहुकनके समस्या सुन्ना, सल्लाह लेना व आपन चुनावी एजेण्डा सुनैना काम कर्टि चुनाउके प्रचारप्रसार कामह आघ बह्रैल बाटी । ओस्टक नेकपा एमालेक सरकार रहल ब्याला कर्लक काम ओ अइना पाँच वर्षम कर्ना कामके बात लेक हमार पार्टीके नेता, कार्यकता, शुभचिन्तक व समर्थकहुक्र मतदाताहुकनके घर घरम पुग्ख सुर्य चिन्हम भोट डार सिकैटी चुनाव प्रचारप्रसारके कामह ब्यापक बनैल बाटी ।
कसिन बा अप्नक् चुनावी माहोल ?
चुनावी माहोल बहुट मजा बा । मतदाताहुक्र बहुट खुसी बाट । आब पाँच पर्षके विकासके लाग लौव जनप्रतिनीधि चुन्ख पठाइलाग मंसिर ४ गते भोट डारक लाग अट्याइल बाट । २०७४ के निर्वाचनम जिटख पठैलक सासद कुछु निकरल सेक्ल आब शान्ता चौधरी करठ की कना आशा, अपेक्षा कर्ल बा ।
जनप्रतिनीधिके परिवर्तनसंग संग समग्र देउखुरीके परिवर्तनके चहल बाट । विकास, समृद्धि, सुशासन, भ्रष्टाचारमुक्त सेवा प्रशासनको अपेक्षा करल बाट । मतदाताके यी अपेक्षाह हम्र अवश्य सहयोग कर्ने बाटी । हमार पार्टीके मुख्य ध्यय कलक सुशासन, विकास, समृद्धि व समानता हो । हमार पाँच वर्षके घोषणा पत्रम फे यीह बात समेटल बा । यी कारणले फे म्वार व हमार गौरबशाली पार्टी नेकपा एमालेके पक्षम चुनावी माहोल दिनप्रतिदिन बहर्टी गैल बा ।
कसिन किसन एजेण्डा उठैल बाटी ?
हमार पार्टीसे पाँच वर्षम कर्ना २० वातके ग्यारेन्टी लेक चुनावी घोषणा पत्र सार्वजनिक कैल बा । खास कैख राष्ट्रिय एजेण्डासे लेक स्थानिय एजेण्डा फे सम्याटल बा । समृद्ध नेपाल, सुखी नेपालीके भावनाअनुसार काम कर्ना केन्द्र व आपन निर्वाचन क्षेत्रके क्षेत्र स्तरके प्रतिवद्धता पत्र तयार करल बाटी । स्वस्थ, सुन्दर, प्रदेश राजधानीसहितके, हमार शहर, सुखी नेपाली, समृद्ध नेपाल, नेकपा एमालेके रहर कना मुख्य नारा अबलम्बन करल बाटी । अइना पाँच वर्षभिट्टर समाजके आर्थिक, सामाजिक, राजनीतिक तथा सांस्कृतिक क्षेत्रके विकास कैख समाजह रुपान्तरण कर्टि देशह समृद्ध बनैना व जनताह सुखी तथा खुशी बनाउने ठोस आधार तयार पारल बाटी ।
समाजके शैक्षिक स्तर बृद्धि व स्वस्थ समाजके निर्माण कर्ना, समाजह रुपान्तरण व आर्थिकरुपले बल्गर बनैना, हरेक व्यक्तिके जिवन स्तरह उप्पर उठैना, बहुटसे बहुट उद्यमी बनाक देशके उत्पादकत्वम बृद्धि कर्ना हमार योजना बा । ओस्टक बेरोजगारी समस्याके समाधनके लाग बेरोजागरीके पहिचान कैख क्षमता अनुसारके ज्ञान, सीप डेक स्वदेशम रोजगारीके सिजर्ना कर्ना योजना सहित आघ बह्रल बाट । हमार उद्देश्य सक्कु लर्कापर्कन गुणस्तरीय शिक्षा डेना अइना पाँच वर्षम शैक्षिक गुणस्तरम सुधार कैख ५० प्रतिशत बृद्धि कर्ना हो ।
सामाजिक विकासअन्तरुर्गत शिक्षा, स्वास्थ्य, खानेपानी तथा सरसफाइम विकास कर्ना, महिला, बालबालिका, ज्येष्ठ नागरिक तथा अपांगता हुइलक व्यक्तिनके विशेष प्याकेजके कार्यक्रम अन्ना योजना बा । मुक्त कम्लरी कमैया, भुमहिनके शिक्षा, स्वास्थ्य व रोजगारीके व्यवस्था कर्ना नीति निर्माण कर्ना कार्यान्वनयम लग्ने बाटी । ओस्टक सिकलसेल व एनेमियाके उपचारके लाग निःशुल्क उपचार सहित २४ घण्टे स्वास्थ्य सेवा कार्यान्वयन कर्ने बाटी । आब नेपाल सरकारसे ७९ प्रकारके औषधि निःशुल्क उपलब्ध करैना राष्ट्रिय नीतिह प्रभावकारी रुपम कार्यान्वयन करैना लमही अस्पतालम रलक १५ शैयाके अस्पतालह विशेषज्ञ सेवासहितके एक सय शैयाके अस्पतालके रुपम स्तर बृद्धि कर्ना व सोही स्थानम रलक ट्रमा सेन्टरके निर्माण कार्य तीब्र बनाख शीघ्र सञ्चालनके व्यवस्थापन कैजिने बा । गढवा व लमहीके सर्पदंश सेवा केन्द्रके विशेषज्ञसहितके स्तरोन्नति कर्ना, गर्भवती महिलाके स्वास्थ्य परीक्षण कर्ना व सुत्केरी सेवा प्रदान कर्ना वडा तहमा प्रजनन केन्द्रके स्थापना कैजिने बा । गढवा, सिसहनिया, राजपुरमा सञ्चालित स्वास्थ्य चौकीके स्तरबृद्धि कैख ५० शैयाके अस्पताल निर्माण कर्ने बाटी । खानेपानी तथा सरसफाइतर्फ एक घर एक धारा राष्ट्रिय नीतिह प्रभावकारीरुपम कार्यान्वयन कर्ना यी क्षेत्रम बाँकी रलक खानेपानी आयोजना सम्पन्न कर्ने बाटी ।
भूमिहीन किसानहुकन भूमिके मालिक बनैना योजना बा । बसोवासके आधारम जग्गाके लालपूर्जा वितरण हुइने बा । संवैधानिक भूमि आयोगमार्फत सक्कु खालके भूमिके समस्या समाधान कर्नाे बाटी । नाका क्षेत्रम सन्तुलित विकासक योजना आघ सार्क समग्र देउखुरीके विकास कर्ना संकल्प करल बाटी । ओस्टक देउखुरीम बर्सेनी कटानी हुइट । राप्नी नदी व अन्य खल्वम तटबन्धन बनैना म्वार योजना बा ।
ओसहक ओस्टक पार्टीके महासचिव शंकर पोख्रेल मुख्यमन्त्री रहल ब्याला उहाके नेतृत्वम राप्ती उपत्यक देउखुरीम लुम्बिनी प्रदेशके राजधानी टोक्ल । आब यी राजधानीह कार्यान्वयन कर्ना हमार जिम्मेवारीम बा । राजधानी कार्यान्वयन कर्ना हमार मुख्य दायित्व बा ।
चुनाउके ब्याला बहुट आश्वासन डेना चलन बा । का अप्न कहसक सक्क योजना पुरा हइ त ?
मै चुनाउनके ब्यालम यी बात करल नै हु । चुनाउके क्रमम यिहाँ बहुट समस्या आइल । यी जनतनके समस्या हो । निर्वाचन क्षेत्रन नं. १ के समस्या हो । आबसम कुछ निहुइलक कारण महिन यिहाँक जनता यि समस्या डेखैल । यी समस्या समधान करकलाग मै यी क्षेत्रम आइल बाट । उहओर्से यी क्षेत्रके मुहार फ्यार चाहटु । उहओर्से मै यी क्षेत्रम उम्मेदावर बनल बाटु । मै आबसम ज्या बोल्ठु, उह कर्ठु । जनतन झुठ आश्वासन बाँट नै जन्ठु । तर कर सेकना काम सक्कु म्वार एजेण्डा हो, यिहाँके मतदाताके एजेण्डा हो । चुनाव जित्ख जैम कलसे यी बातह पुरा कर्ना मै अभियनम रहम ।
निर्वाचन जित्ना आधार का बा ?
चुनाव जित्ना गतिलो आधार कलक मतदाताके मत हो, मतदाताहुक्र मतदान करही कलसे जीत हार उहँ रही । उहमार मै मतदाताके भरोशा केन्द्रम बाटु । डोसर बात हमार पार्टी नेकपा एमाले संगठित बा । एकढिक्का होख चुनावी प्रचार प्रसारम लागल बा । आम नागरिक, शुभचिन्तकहुकनके सहयोग, सुभेच्छा बा । क्षेत्र नं. १ के आम मतदाता परिवर्तन चहल बाट । यी परिवर्तन कर सेक्ना महि ड्याखल बाट । उहओर्से म्वार चुनाउ जित्ना आधार डेख परल बा । मै चुनाव जिटम कना आस करल बाटु । व सक्कु मतदाताहुकन फे सुर्य चिन्हम मतदान कैख सहयोग कैडिहक लाग अपिल फे करटु ।
