काठमाण्डौ, १६ भदौ । पछिल्लो २४ घण्टामा देशभर थप १०६९ जनामा कोरोनाभाइरस संक्रमण पुष्टि भएको छ ।
मंगलबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले यस्तो जानकारी दिएका हुन । उनका अनुसार मंगलबार थपिएका संक्रमित मध्ये महिला ३४४ र पुरुष ७२५ रहेकाछन् । यससँगै देशभर कोरोना संक्रमितको कुल संख्या जम्मा ४० हजार ५२९ पुगेको उनले बताए । तर प्रवक्ता डा. गौतमका अनुसार हाल देशभर सक्रिय संक्रमितको संख्या १८ हजार ११२ रहेको छ।
उनको अनुसार पछिल्लो २४ घण्टामा डिस्चार्ज हुनेको संख्या ७६८ रहेको छ भने अहिलेसम्म निको हुनेको कुल संख्या २२ हजार १७८ जना रहेको छ ।
