अमेरिकी थारुहुकनके संस्था थारु एन्ड फ्रेन्ड्स एसोसिएन (टीएफए)से थारु विद्यार्थीहुकन छात्रवृत्ति डेना हुइल बा । नेपालम प्लस टु व स्नातक तहम अध्ययनरत थारु विद्यार्थीहुकन छात्रवृत्तिके लाग आवेदन डिहकलाग अर्जि कैल बा । मंसिर १६, अर्थात डिसेम्बर १ म अर्जिक कैलक छात्रवृत्ति अइना माघ २ गतेसम्म आवदेन डिह सेक्ना टीएफए जनैल बा । नेपालके मान्यता प्राप्त संस्थाम विद्यार्थीके रुपम भर्ना हुइ पर्ना व शैक्षिक स्थिति मजा हुइपर्ना उल्लेख कर्ल । ओस्टक सरकारी व गैरसरकारी संस्थासे कौनो फे प्रकारके आर्थिक सहयोग निलिहन हुइना उल्लेख कर्ल बा ।
आवेदन डिहकलाग आघबर्षके शैक्षिक स्तरके मार्कसित, टूान्सक्रिप्ट, भर्ना हुइलक कलेजके परिचय पत्र, आर्थिक अवस्था खुल्ना वडाके सिफारिस पत्र, शिक्षक वा सामाजिक अभियनताके सिफारिस पत्र व व्यक्तिगत विचार लगायत माग कर्ल बा । ओस्टक असक्त, अनाथ व कमैयाके लाग प्रमाण खुल्ना आवश्यक कागजात हुइपर्ना टिएफए जनैल बा । टीएफसे हरेक वर्ष मेधाबी थारु विद्यार्थीहुकन छात्रवृत्ति प्रदान कर्टि आइल बा । उह कार्यक्रमह यि वर्ष फे निरन्तरता डेलक टीएफएके अध्यक्ष सुरेन्द्र चौधरी बटोइल । उहाँके अनुसार टीएफएकेवेवसाइट tharus.org म जाख आवेदन डिह सेक्जिने बा ।
