(क) म्वार आपन बिचारम थारु रज्वा दङ्गीशरणके मेरिक मेरिक फोटो हुइ सेक्ठा । जस्तकि नाबालक, बाल्यकाल, नवोजवान, बयस्क प्रौढ, जेष्ठ नागरिक ओ याकर सगसग दरवार म हुक्का या माखुर पियवेर, रानी से बैठल म, घोर्वा घोरिन्यक ठे रहल म, घोर्वा वा घोरिन्यक म चौह्रल म, सिकार ख्याल गैलक, मटावा-बरघर-भलमन्सा से बैठक करल, पुजा करवेर, सयन कक्ष म रहल, स्नान करवेर, आपन फौज- सिपाही से रहल म, नाचगान बजान म ओ विभिन्न भेषभुषा ओ मुद्रा-आसनम इत्यादी ।
६) यी पोस्ट म धरल प्रथम फोटो बिशेषतः २०६३ सालम थारु रज्वा दङ्गीशरण के भग्नाबशेष दरवार सुकौरा दाङ्ग ह प्रचार प्रसार करक लाग महोत्सव करवेर एकठो धारणा बनाक बनल स्केज फोटो हो । याकर सपनाकार जलौरा दाङ्ग क मटावा एवं मटावा संघके दाङ्गके अध्यक्ष तथा बर्का नाच के अग्वा चन्द्र प्रसाद थारु के अगवाइम स्केज (पारुप) तयार कैख था क स दाङ्ग समिति, सुकौरा महोत्सव मुल आयोजक समिति, थारु बुध्दिजिवी परिषद दाङ्ग लगायत अन्य थारु पुर्खा हुकनसे बैठकम छलफल कैख सहमति म तयार पारल र हो । यहिह बहुट थान छपाख बितरण फे हुइलक अबस्था हो ।७) यी पोस्टम धरल द्वासर ओ त्यासर फोटो बि. सं. २०६३ सालम साहित्कार तथा फिलिम निर्देशक के. एल. पिडित ओ गायक माधव चौधरी (राजपुर दाङ्ग) के अगुवाइम दाङ्ग म “भुह्यार“ फिलिम के छायांकन थारु रज्वा दंङ्गीशरण के भग्नाबशेष दरवार सुकौरा म लिहेवेरिक हो ।
याकर पात्र मै स्वयं चुर्ण बहादुर चौधरी (थारु रज्वा दंङ्गीशरण के भुमिका म भुमिका निर्वाहा कर्लक हो । फिलिम यिहे आसन ओ भेषभुषाम छायांकन हुइल रह । घोर्वा म चौह्लल छायांकन लिहेवेर एक हातले बर्छी-भाला ओ एक हातले कैंजा पकरलम घोर्वा महि तीन चो फाकल रह। चौथा पटक केल छायांकन सफल हुइल रह । रज्वक भेषभुषा सिँगार पटार करैना माधव चौधरी ओ चन्द्र प्रसाद चौधरी के देन रलहिन । दुरभाग्य माओबादी हुक्र फिलिम सेन्सर करवेर यी छायांकन हटाइ पठैल कना खवरले दुख लागल ।
८) सायद यहाँ द्वासर ओ त्यासर फोटो आधार मान्क थारु संग्रहालय चखौरा दाङ्ग म, दंङ्गीशरण थारु रज्वक भग्नाबशेष दरवार सुकौरा दाङ्ग म ओ पाल्पा दरवार भिट्टर म थारु रज्वा दङ्गीशरण के प्रति मुर्ति बनाख धर्ना कार्य हुइल हुइ कना म्वार आपन कहवाइ बा ।
चित्र बनइना म मिु चौधरी (कैलाली) के देन हुइटिन कलसे मुर्ति बनइना कार्य जलौरा दाङ्ग के चन्द्र प्रसाद चौधरीके निर्देशनम ओ ब्यबस्थापन म शरम राम चौधरी के अगुवाइ म कपिलबस्तु से अइलक गैह्र थारु बस्तु कलाकार हुइट । म्वार कहवाइ थारु रज्वा दंङ्गीशरण सुकौरर दाङ्गम स्वतन्त्र राज्य चलैलक ईतिहास हमार ठे बा । याकर बारेम बहुट अनुसन्धान ओ उत्खनन् कर पर्ना बा । अन्ह्वार विभिन्न समय, उमेर म नि मिल्ना स्वभाविक हो। केक्रो अन्ह्वार मिलल कलसे यी संयोगकेल हो हम्र बर्वार ईतिहास स्थापित कर्ना सवालम आघ बह्रल मार्गम छोटी छोटी बाटम नि अल्झना हो कि ?
जय गुर्वावा ।
