राप्ती स्वास्थ्य विज्ञान प्रतिष्ठानके सिनेट बैठकम कुलपतिके हैसितले सहभागी ह्वाए आइल लग्लक प्रष्तिष्ठानक पदाधिकारी बटोइल । उह वैठकम आइल ब्याला प्रतिष्ठानके चारसय बेडके भबन सिलान्यास कर्ना कार्यक्रम तय हुइलक् प्रतिष्ठानके सूचना अधिकारी निशानदाजु भट्टराई जनैल । ओस्टक एमाले दाङसे प्रधामन्त्री ओली दाङम आइल ब्यालम जनभसा कार्यक्रम कर लग्लक एमाले दाङके उपाध्यक्ष तथा संयन्त्रके संयोजक मनोहर बुढाथोकी जनैल ।
सभाह बृहत बनाइकलाग सोमारक डिन्वा पार्टी कार्यालय घोराहीम एमाले दाङके जनसंगठन समन्वय संयन्त्रके तयारी बैठक सम्पन्न हुइल बा । बैठकम एमालेके पोलिटव्यूरो सदस्य एवम् दाङक इन्चार्ज नरुलाल चौधरी फागुन ५ के सभा सफल बनाइलाग जनसंगठनक प्रमुखहुकन बलाख सामा जुटकलाग निर्देशन डेल बाट । ओस्टक उहाँ नेकपा (एमाले) से सञ्चालन कर लग्लक जरा अभियानम पार्टीके नीति विचार बुझैटी सदस्यत बृद्धि, नवीकरण तथा मिसन ८४ के आधार तयार पर्ना कार्यम सक्कु नेता कर्ता परिचालित हुइ पर्ना बटोइल ।
ओस्टक केन्द्रीय सदस्य जीवन गौतम पार्टीके सक्कु जनताके माझम पुगाइलाग टोल वस्तीम पूग्ख संगठन निर्माण कर अर्जि कर्ल । नेपाल बुद्धिजिबी परिषदके अध्यक्ष विकास गौतमके स्वागत मन्तव्यसे सुरू हुइलक बैठकम पार्टीके उपाध्यक्ष तथा संयन्त्रका संयोजक मनोहर बुढाथोकी जनसंगठनसे फागुन ५ गतेके सभामा करपर्ना कामका बारेमा कार्ययोजना प्रस्तुत कर्लरलह । वैठकम एमाले प्रदेश कमिटी सचिव लक्ष्मण आचार्य, पार्टीका पूर्व अध्यक्ष तथा भूमि आयोग दाङके अध्यक्ष हुकुमबहादुर वस्नेत, पार्टीके जिल्ला अध्यक्ष शिवकुमार आचार्य लगायत बोल्ल रलह ।
