‘साली हो बरको छायाँले’ गीत चोरी हुइलक आरोप लागल बा । ‘साली हो बरको छायाँले’ गीतके गायक प्रकाश प्रिय कुसुम्या असिन आरोप लगैलक् हुइट ।
“‘साली हो बरको छायाँले’ गीत म्वार सिर्जना, म्वार गहना व म्वार सम्पत्ती हो, गायक कुसम्या कल,– म्वार गीत, म्वार विपरित गुन्दागिरि शैलिमा महिह उल्ट ढम्ख्याक म्वार गीत, म्वार सङ्गीत मर्ना कलक महिन मर्ना सरह हो ।
“महिह उहाँसे डेखैलक पैसाको प्रलोभन फे निचहल हो, उहाँके झुटो आश्वासन फे निचाहल हो, गायक कुसुम्या कल,– महिन खाली म्वार गीतके संरक्षण कर्ना हो ।” आपन गीत चोरी हुइटी रलक थाहाँ पाइलपाछ आपन छावा, साला लगायतहुकन मार्फत श्री चौधरीह र्वाक लगैलसेफे उपाय निलग्लक् उहाँ गुनासो कर्लबाट ।
गायक कुसुम्या Shree Entertainment YouTube Channel मार्फत सार्वजनिक हुइलक “साली हो बरको छायाँले“ गीत डिलेट निहुइकसम आपन श्रोता, गोचाली लगायत सक्कु कबिलाहुकन रिर्पाेट कैडिहिकलाग अर्जि कर्ल बाट । गीत चोरीके विषयम कानुनी डगरम फे जैना उहाँ बटोइल । उहाँके अनुसार घोराही ३, झिङ्ग्नी निबासी श्री चौधरी आपन स्वरम रेकर्ड कैख Shree Entertainment YouTube Channel मार्फत गीत सार्वजनिक कर्ल बाट ।
यिहोंर गायक श्री चौधरी उ गीत आपन्हे निचोर्लक दाबी करल बाट । गीत रचनाकार आदिम केसी अर्जिक कर्लक् ओंर्से मै गीतम स्वर डेलक हुइटु, चौधरी कल ।
