जेलम रलक रेशम चौधरी बर्दिया क्षेत्र नं. २ के प्रतिनीधि सभा सदस्यम उम्मेदवारी डिहल बाट ।
नम्मा समयसे जेलम जिवन विटैटी अइलक चर्चित युवा नेता चौधरी चौधरी नागरिक उन्मुक्ति पार्टीके टरफसे उम्मेदवारी मनोनयन दर्ता करैलक हुइट । नागरिक उन्मुक्ति पार्टीके संरक्षक समेत रलक चौधरी वारेस मार्फत उम्मेदवारी मनोनयन दर्ता करैलक मुख्य निर्वाचन अधिकृत कार्यालय बर्दिया जनैल बा ।
जिल्ला अदालत कैलाली व उच्च अदालत दीपायलसे टीकापुर घट्नाम चौधरी दोषी ठहर हुइलक कटि काठमाडौंके डिल्लीबजार कारागारम बाट । चौधरी २०७४ के चुनाउम कैलाली क्षेत्र नं १ के प्रतिनीधि सभा सदस्यम सर्वाधिक मत आन्क विजयी हुइल रलह । तर, संसदम भर छिर निपैल । जेलम बैसल ब्याला संसदके सपथ खैलसे फे उहाँ निलम्बी सांसदके हैसियतम रलह ।
ओस्टक उह घटनाम अदालतके फरार सूचीम रलक थरूहट नेता लक्ष्मण थारू कैलाली क्षेत्र नं ५ म उम्मेद्वारी मनोनय दर्ता करैल बाट । उहाँ फे वारेसनाम मार्फत आपन उम्मेदवारी दर्ता करैलक हुइट ।
