काठमाण्डौ, ११ पुस । नेपाली कांग्रेसके १४ औं महाधिवेशनमसे एक पदाधिकारी सहित ७ थारु नेता केन्द्रीय कमिटिम निर्वाचित हुइल बाट ।
खानेपानी मन्त्री समेत रलक बारा जिल्लाके उमाकान्त चौधरी थारु कोटामसे सहमहामन्त्रीम निर्वाचित हुइलबाट । उहाँ सप्तरीके तेजुलाल चौधरीह पराजित कर्टि सहमहामन्त्रीम निर्वाचित हुइल हुइट ।
थारु कोटा खुलाम ओस्टक खुला सदस्यम बर्दियाके गोपाल दहित, सुनसरीके पदमनारायण चौधरी निर्वाचित हुइल बाट । ३५ सदस्यके लाग खुला सदस्यम ९९ जहनके उम्मेदवेवारी परल रह । दहित व चौधरी ३५ नम्वर भिट्टर अत्यधिक मत आन्क विजयी हुइलक् हुइट । ओस्टक थारु कोटाके खुलामसे दाङके योगेन्द्र चौधरी, कैलालीके रामजनम चौधरी निर्वाचित हुइल बाट । थारु कोटाम दुइ सिटके लाग ८ जहनके उम्मेद्वारी परल रह । ओस्टक थारु महिला खुलामसे सुनसरीके कल्पना चौधरी व जीवन राना निर्वाचित हुइल बाट । थारु महिला कोटाम २ सिटके लाग ५ जहनके उम्मेद्वारी परल रह ।
