गढवा गाउँपालिका वडा नं. ३ खैराकी ३७ वर्षीया सरिता चौधरीके परिवार नम्मा समयसे बुक्रा घरम बैस्टी आइल रलह । दैनिक मजदुरी कैख हुइलसे फे उ घरम हाँसीखुसी जीवन बिटैटी रलह ।

आपन घर गोस्या सम्झाउन चौधरीसे मिल्ख उहाँ भविष्यम छोटी हुइलसे फे आपन छिटिमिटि घर बनैना सपना डेख्लरलही । तर, यी सपना पुरा निहुलिन । घर गोस्या सम्झाउन चौधरी नम्मा समयसे डिप्रेशनके बिरामी हुइलिन । डिप्रेशनके विर्वा खाक हुइलसे फे सम्झाउन आपन परिवारन खुशी बनैना कोसिस कर्ल । तर, गरिबी व आर्थिक अवस्था अत्यन्त दयनीय हुइलक कारण उपचारम समस्या होख स्वास्थ्य झन् बिग्रटी गैलन । अन्ततः सम्झाउनके डिप्रेशनके कारण निधन हुइलन ।
घरगोस्यक निधनहुइलपाछ सरिताके जीवनम झन् ब्रजपात अइलिन । उहाँ एक नाबालिका छाइसे उह बुक्रा घरम बैस्टी अइल । गइल बर्षके बर्खम घरम पानी चुख रातभर सुट निपैली, न त मजासे बैस्ख खाइपैली,” सरिता विगतके बातह सम्झटी कलि- यो वर्षके जार कसिख कटैना होख कैख लागल रह, तर, आब सपनासक लागटा, मै निस्वाँचल घर पैनु । ग्रामिण महिला उत्थान केन्द्रसे भूकम्प प्रतिरोधात्मक पक्की घर बनाख उहाँह हस्तान्तरण करलपाछ ।”
“मै सपना फे निडेख्ल रनहु, तर, विपनाम अत्रा मजा घर डेख्नु, सरिता खुशी हुइटी कलि,- आपन बैस्ना लौव घरके रिबन आपन्हेँ काट्ख उद्घाटन करबेर झन खुशीके छुट्टै अनुभव हुइल ।” आब यिह घरमसे लौव जीवनके सुरुवात कर्ना सोच बनैल बाटु, उहाँकलि- पक्की घर हुइलपाछ आगी-पानीका डर निहो ।” “यी घरले म्वार जिन्दगीके करोट लेल बा उहाँ कलि, आब ढुक्कसे बैस सेक्ठु । आपन छाइह मजास पह्रालिखाके मै फे आत्मनिर्भर बन्ना सपना डेख्लबाटु ।”
ग्रामिण महिला उत्थान केन्द्रके आसमानी चौधरी एकल महिला तथा विपन्न परिवारके लाग भुकम्प प्रतिराधात्क पक्की घर बनाडेलक बटोइली । उहाँके अनुसार गढवाम शौचालय सहित चारठो घर बनागिल बा ।दुइठो घर निर्माणम संस्थाके पूर्ण लगानी बा कलसे । बाँकी दुइठोम संस्थाके तीन लाख व गाउँपालिकासे एक लाख ५० हजार रुपैयाँ सहयोग करलबा । बाँकी खर्च घरधनी बेहोर्लक उहाँ जनैली । प्रतिघरम ६ लाख ७८ हजार रुपैयाँ खर्च हुइल बा ।