घोराही उपमहानगरपालिकाके नगर कच्हेरी व सोह्रवांँ अधिबेशन सुरु हुइल बा । सोमारक डिन्वा सुरु हुइलक नगर कच्हेरी व सोह्रवांँ अधिबेशनम नगर प्रमुख नरुलाल चौधरी मेरमेह्रिक प्रस्ताब पेश कर्लरलह ।
कच्हेरीम नगर प्रमुख चौधरी चालु आर्थिक बर्षक लाग स्विकृत कुछ योजना तथा कार्यक्रम संशोधन कैख रकमान्तर कर्ना प्रस्ताब पेश करल बाट । ओस्टक अटो रिक्सा सञ्चालन तथा व्यवस्थापन सम्बन्धी कानून २०८१, पलाष्टिक जन्य बस्तु प्रतिबन्ध विधेयक २०८१, दिसा जन्य लेदो व्यवस्थापन सम्बन्धी नीति २०८१ र आर्थिक ऐन २०८१ के संशोधन प्रस्ताब पेश करल रलह ।
अस्टक प्रमुख प्रशासकिय अधिकृत एवं सभाके सदस्य सचिब ऋषिराम केसी चालु आर्थिक बर्षके हालसमके प्रगति विवरण व महालेखा परिक्षकके कार्यालयसे कैगिलक बेरुजुके बिषयम फच्र्यौटको प्रकृयाह आघ बह्राइ पर्ना प्रस्ताब पेश कर्लरलह । नगरसभाके ड्वासर बैठक यिह पुस १७ गते ११ बजे बैस्ना कैख आझुक अधिवेशन स्थगित कर्लक नगरप्रमुख चौधरी जानकारी डेल ।
