लुम्बिनी प्रदेशके मुख्यमन्त्री चेतनारायण आचार्य मन्त्रिपरिषद पुनर्गठन करल बाट ।
नेपाल कम्युनिष्ट पार्टी (एमाले) व नेपाली कम्युनिष्ट पार्टी (नेकपा) विच सत्ता संचालन कर्ना सहमति अनुसार लुम्बिनी प्रदेश सरकारमा नेकपा सरकारम सहभागि हुइल बा । नेकपासे सिफरिस हुइलक सरकारम तीन मन्त्री नियुक्त हुइलक हुइट । मुख्यमन्त्री आचार्यक सिफारिसक आधारम प्रदेश प्रमुख कृष्णबहादुर घर्ती दीपेन्द्रकुमार पुनह स्वास्थ्य मन्त्रालय, इन्द्रजीत थारूह आर्थिक मामिला तथा योजना मन्त्रालय व कृष्णा कुश्मा थारूह कृषि, भूमि व्यवस्था तथा सहकारी मन्त्रालयम नियुक्त नियुक्त कर्लक हुइट ।
नियुक्त हुइलक तीन्यौ जन नेकपासे सिफारिस हुइल रलह । लौव नियुक्त हुइलक मन्त्रीहहुकनके पद तथा गोपनीयताक शपथ प्रदेश प्रमुखको कार्यालय बुटवलम मंगलबार डिन्द ३ बज्ख २५ मिनेटम ढैगिल बा । मन्त्रिपरिषद्म तुलसीप्रसाद चौधरीह वन, वातावरण तथा पर्यटन मन्त्रालय, रामजीप्रसाद घिमिरेह, सामाजिक विकास मन्त्रालय, सन्तोषकुमार पाण्डेयह सहरी विकास, ऊर्जा, सिँचाइ तथा खानेपानी मन्त्रालय, रत्नबहादुर खत्रीह, भौतिक पूर्वाधार विकास मन्त्रालय तथा भण्डारीलाल अहिरह आन्तरिक मामिला, कानुन, उद्योग तथा यातायात मन्त्रालयको जिम्मेवारी डेना सिफारिस कैगिल बा ।
यी जिम्मेवारी हेरफेर कैगिलक् मन्त्रीहुक्र एक महिना आघ नियुक्त हुइल रलह । यिहिसे आघ स्वास्थ्य मन्त्रालयक जिम्मेवारीमा रलक रामजीप्रसाद घिमिरेह सामाजिक विकास मन्त्रालयक जिम्मेवारी डेलक हो । कृषि, भूमि व्यवस्था तथा सहकारी मन्त्रालयक जिम्मेवारीमा रलक तुलसीप्रसाद चौधरीह वन, वातावरण तथा पर्यटन मन्त्रालयके जिम्मेवारी डेगिल हा । । अस्टक सामाजिक विकास मन्त्रालयक जिम्मेवारीम रलक सन्तोषकुमार पाण्डेयह सहरी विकास, ऊर्जा, सिँचाइ तथा खानेपानी मन्त्रालयको जिम्मेवारी डेना प्रस्ताव कैगिलक् हो । वर्तमान सरकारम एमालेम मुख्यमन्त्रीसहित चार जन, नेकपासे तीन जना व जनता समाजवादी पार्टी, नेपालसे दुई जन मन्त्री हुइना गरी हुइलक सहमतिअन्सार मन्त्रिपरिषद् पुनर्गठन कैगिलक् हो ।
तीन थारु मन्त्री
मुख्यमन्त्री सहित ९ सदस्यीय लुम्बिनी प्रदेश सरकारके मन्त्रिपरिषदम तीन थारु मन्त्री आइलबाट । नेकपा एमालके तरफसे रुपन्देहीके तुलसीप्रसाद चौधरीह वन, वातावरण तथा पर्यटन मन्त्रालयके जिम्मेवारी लिहल बाट । यिहिसे आघ उहाँ कृषि मन्त्री रलह । ओस्टक नेकपासे दाङके इन्द्रजीत थारू आर्थिक मामिला तथा योजना मन्त्रालय व बर्दिया कृष्णा कुश्मा थारू कृषि, भूमि व्यवस्था तथा सहकारी मन्त्रालयके जिम्मेवारी पाइल बाट । इन्द्रजित व कुश्मा सोमारक डिन्वा मन्त्रीम नियुक्त हुइल रलह ।
