भूमीहिन दलित, भूमीहिन सुकुम्बासी व अव्यवस्थित बसोबासीहुकनके लाग घोराहीम जग्गा व्यवस्थापन तथा नाप नक्सा सुरु कैगिल बा ।
घोराही उपमहानगरपालिकासे भूमीहिन दलित, भूमीहिन सुकुम्बासी र अव्यवस्थित बसोबासीहुकनके जग्गा व्यवस्थापन तथा नाप नक्सा सुरु कर्लक हो । घोराही उपमहानगरपालिकावडा नम्बर १ के सिमलताला स्यानी चौरसे जग्गा नाप जाँच सुरु कर्लक वडा अध्यक्ष राममणि पाण्डेय बटोइल । उहाँके अनुसार फिल्डम ४ प्राविधिक खटागिल बा ।
वडा नम्बर १ का अध्यक्ष राममणि पाण्डेयके अध्यक्षता एवं नगर प्रमुख नरुलाल चौधरी, उपप्रमुख हुमाकुमारी डिसी, भूमी आयोग जिल्ला अध्यक्ष लेखराज रेग्मी, प्रमुख प्रशासकिय अधिकृत ऋषिराम केसी, नापी कार्यालयके प्रमुख पुरण चौधरी, भूमी व्यवस्थापन शाखा प्रमुख देवराज अधिकारी, वडा सदस्य व स्थानीयके उपस्थितीम जग्गा नापजाँच कार्यक्रमके सुरुवात कैगिल रह ।
कार्यक्रमम नगर प्रमुख चौधरी एक फ्याराके लाग सक्कु पइना बटोइल । जग्गा फे व्यवहारिक व अपनत्व हुइनागरी वितरण करपर्ना फे उहाँ बटोइल । कयौं फ्यारा जग्गा डेना कामके प्रकृया सुरु हुइलसे फे सार्थकता निपैलक बटोइटी आब जसिक फे जग्गा डेना गरी काम करलग्लक जनैल ।
