घोराही उपमहानगरपालिका भरतपुर स्थित पद्मोदय पब्लिक नमुना माध्यमिक विद्यालय व्यवस्थापन समितिके अध्यक्षम विकास चौधरी निर्वाचित हुइल बाट ।
गत २५ चैतम हुइलक् निर्वाचनम एमालेके समावेशी प्यानल विजयी हुइल रह । निर्वाचनमसे सुशिला कार्की, बुद्धिराम पुनमगर, पवित्रा चौधरी व घनश्याम चौधरी सदस्यम विजयी हुइल रलह । विजयी सदस्यहुक्र विकास चौधरीह विद्यालय व्यवस्थापन समितिके अध्यक्षम चयन कर्लक विद्यालय प्रशासन जनैल बा ।
नवनिर्वाचित अध्यक्ष चौधरी विद्यालयह देशकै नमुना बनैनाम आपनओंर्से सक्दो प्रयास कर्ना बटोइल । अध्यक्षम चयन हुइलपाछ अग्रासन साप्ताहिकसे छोटमोट बाट बटोइटी चौधरी कल, विद्यालयह जिल्लाकेकेल निहोख देशक उत्कृष्ट विद्यालयके रुपम नमुना बनैना म्वार सक्कु प्रयास रही ।
विद्यालयह उत्कृष्ट बनैना सक्कु सरोकारवालाहुकके सहयोग व साथ साथ आवश्यक बा,’ उहाँकल, विद्यालयके वृहत्तर विकासके लाग सक्कुजहनसे समन्वय कैख आघ बहर्ने बाटु । नम्मा समसयसम गैरसरकारी संस्थाम काम कर्लक अनुभव रलक चौधरी घोराही, ७ पर्सा निवासी हुइट ।
