काठमाडौं, १५ चैत । नेपालमा थप अर्की एक युवतिमा कोरोना भाइरस ( कोभिड-१९) संक्रमण भएको पुष्टि भएको छ । बेल्जियमबाट नेपाल आएकी बागलुङकी २२ वर्षीया एक युवतीमा कोरोना भाइरसको संक्रमण भेटिएको स्वास्थ्य तथा जनसंख्या मन्त्रालयका प्रवक्ता विकास देवकोटाले जानकारी दिए । उनका अनुसार उनि चैत ४ गते नै कतार एयरवेजको ‘क्यूआर ६५२’ विमानबाट नेपाल आएकी थिइन् । अहिले उनलाई सुरक्षित रुपमा काठमाडौं ल्याउने तयारी भइरहेको छ ।
यसैसँगै नेपालमा कोरोना भाइरसबाट संक्रमितको संख्या ५ पुगेको छ । पाँच जना मध्ये एक निको भइसकेको छ भने दुई जनाको टेकुस्थित शुक्रराज ट्रपिकल तथा सरुवा रोग अस्पताल र एकको सेती प्रादेशिक अस्पतालमा उपचार भइरहेको स्वास्थ्य तथा जनसंख्या मन्त्रालयले जानकारी दिएको छ ।
