नेपाल कांग्रेस लुम्विनी प्रद्शके संसदीय दलके नेताम डिल्लीबहादुर चौधरीह चयन करल बा ।
देउखुरीम बैस्लक नेपाली काँग्रेसके संसदीय दलके वैठकले चौधरीह संसदीय नेताम सर्वसमतले चयन कर्लक कांगे्रस लुम्बिनी कमिटिक सभापति अमरसिंह बटोइल ।
संसदीयल दलम छ नेताहुक्र आकाँक्षी रलह, उहाँ कल, तर पार्टीम छलफल पाछ डिल्लीबहादुर चौधरीह हम्र सर्वसम्मतले दलके नेताम चयन कर्ली । संसदीयल दलनके नेताम अब्दुल रज्जाक, राजु खनाल व बीरबहादुर राना, जन्मजय तिमील्सिना व निमा गिरी समेत आकांक्षी रलह । चौधरी पार्टीके सभापति शेरबहादुर देउवा निकट हुइट । उहाँ लुम्विनी प्रदेशके पर्यटन, ग्रामिण तथा शहरी विकास मन्त्री समेत हुइट ।
दाङ निर्वाचन क्षेत्र नं. ३ (क) मसे निर्वाचित हुइलक चौधरी २०७४ के निर्वाचनम फे उहाँ क्षेत्रमसे निर्वाचित हुइल रलह । चौधरी प्रदेशके मुख्यमन्त्री दाबी कर्टी आइल रलक । तर, केन्द्रम लौव समिकरण हुइलक ओर्से उहाँ प्रतिपक्ष दलके मुख्य नेताके रुपम चुन्गिल बाट ।
