जहाँ पाँच थारु नेता बीच टक्कर, शान्ताह निहो डर, मेटमणिह गठबन्धनके भर

दाङके निर्वाचन क्षेत्र नं. १ देउखुरी क्षेत्र थरुहट क्षेत्र हो । थरुहट आन्दोलनक् उद्गम थलोके रुपम चिन्जैठा । थारु समुदायके अधिकारको लाग आन्दोलन कर्ना क्रमम २०६९ फागुन २२ गते स्थानीय रामप्रसाद चौधरी व प्रकाश चौधरी सहदत्त प्रदान कर्ल । आब फे देउखुरी क्षेत्रम पहिचानके आवाज उठ्ठी रठा ।

दाङके छुट्ट उपत्यकाके रुपम चिन्जैना देउखुरी क्षेत्र थारु समुदायके बाहुल्य बा । यी क्षेत्रम तीन पालिका, एक नगरपालिका व घोराही उपमहानगरक ४ ठो वडा सम्याटल बा । गढवा, राप्ती, राजपुर गाउँपालिका, लमही नगरपालिका व घोराही उपमहनगरपालिका वडा नं. १, २, ३ व ५ वडाह सहित ३७ ठो वडा रहल बा । यी क्षेत्र नं. १ म कुल मतदाता संख्या १ लाख ३४ हजार ७३३ रहल बा । यी मध्ये ६७ हजार ९१ महिला व ६७ हजार ६४२ पुरुष मतदाता रहल बाट ।

थारु समुदायके बाहुल्य क्षेत्र हुइलकमार छोटीसे बरा राजनीतिक दलहहुक्र थारु समुदायक नेताहुकन उम्मेदवार बनैल बाट । नेकपा एमाले पार्टीके पोलिटब्यूरो सदस्य शान्ता चौधरी, सत्तारुढ गठबन्धनके टरफसे नेकपा एकिकृत समाजवादीके सचिव एवं शहरी विकास मन्त्री मेटमणी चौधरीह उम्मेद्धवार बनैल बा । ओस्टक नागरिक उन्मुक्ती पार्टीसे पार्टीके वरिष्ठ नेता सुरेन्द्र चौधरी, संघीय लोकतान्त्रिक राष्ट्रिय मञ्च (थरुहट)ले पार्टीके केन्द्रीय अध्यक्ष रुक्मिणी चौधरी व हाम्रो नेपाली पार्टीसे गंगा थारुह उम्मेदवार बनैल बा ।

प्रतिनीधि सभा सदस्यके लाग पार्टीसे थारु नेताहुकन उम्मेदवार बनाइल पाछ क्षेत्र नं. १ म थारु नेताबीच कर्रा टक्कर हुइना डेख्गिल बा । यदपी शान्ता, मेटमणि, सुरेन्द्र, रुक्मिनी व गंगा मध्ये शान्ता, मेटमणी चौधरी व सुरेन्द्र चौधरी बीच त्रिपक्षिय रोचक प्रतिस्पर्धा हुइना डेख पर्ठा । २०७४ के निर्वाचनम क्षेत्र नं. १ म एमाले जिटल रह । तर, जे एमाले पार्टीमसे निर्वाचित हुइल मेटमणि आब एमालेम निहुइट । उहाँ एमाले फुटख गैलक नेकपा एकिकृत समाजवादीमसे उम्मेदवार बनल बाट । मेटमणि और पार्टीम गैलपाछ नेकपा एमाले पार्टीके पोलिट ब्यूरो सदस्य एवं प्रभावशाली नेतृ शान्ता चौधरीह उम्मेदवार बनैल बा । शान्ताह चुनावी मैदानम उटारल पाछ २०७४ के आपन साख जोगैउनम एमाले लागिपरल बा । यदपी कहल जसिन सहज निहो । स्थानीय तहका मत परिणामके आधारम निर्वाचन क्षेत्र नं. १ म एमाले दोस्रो स्थानम बा । वडा तहम एमाले पैलक मत २७ हजार २५ हो । प्रतिनीधि सभाके निर्वाचन जिटलाग अत्र मतले प्राप्त निहुइट । याकरलाग गठबन्धनके मत ओ न्यूटल मत आन पर्ना डेखपर्ठा ।

तर, सत्तारुढ गठबन्धनम ब्यापक असन्तुष्टि, एमालेके बल्गर संगठन व माओवादी, समाजवादी परित्याग कैख एमालेम प्रवेश कर्ना लहरले एमालेके जित्ना सुनिश्तिा डेख पर्ठा । गठबन्धनके भोट नागरिक उन्मुक्ती पार्टी (ढकिया) चिन्ह व राष्ट्रिय स्वतन्त्र पार्टी (घण्टी) से कट्ना हुइलक् मार एमालेह सजिलो हुइलक लमही नगरपालिकाके ५ के अनिता शर्माले बटोइली । यी क्षेत्रम एमालेके संगठन फे बल्गर व गठबन्धनम ब्यापक असुन्तुष्टिके कारणले एमालेह फाइदा हुइलक उहाँ कल्,ि–‘एमालेके नेतृत्वम देउखुरीम लुम्बिनी प्रदेशक राजधानी अइना व हुलाकी राजमार्ग लगायत सडकम कालेपत्रे लगायत यिहा हुइलक विकासके कारण मतदाता एमालेप्रति प्रभावित हुइल बाट ।’

शान्ताफे आपन्हे मजासे चुनाव जित्ना दाबी कर्लबाटी । २०६४ व २०७४ म दुइ फ्यार सांसद बनसेक्लक शान्ता आपनओर्से व पार्टीके टरफसे यी क्षेत्रम कर्लक विकास, पार्टीके बल्गर संगठन व स्थानीय तहका मत परिणामके आधारम चुनाउ जित्ना दाबी कर्ली । सत्तारुढ गठबन्धनम खटपट व मेटमणि मन्त्री हुइलसे फे देउखुरीके लाग कुछ कर निसेक्ना लगायत कारणले यिहाँक मतदाताहुक्र आपन्हे रोज्लक बटोइली । सदाबहार अझेलम रलक देउखुरीह एमालेके नेतृत्वम लुम्विनी प्रदेशके राजधानी बुटवलसे देउखुरीम अन्लकओर्से फे यिहाँके नागरिकहुक्र एमालेप्रति उत्साहित रलक्ओर्से म्वार जित सुनिश्चित बा, शान्ता दाबी कर्ली ।

शहरी विकास मन्त्री समेत रहेक मेटमणि चौधरी सत्तारुढ गठबन्धनके तर्फसे नेकपा एकिकृत समाजवादीसेउम्म्दवार बनल बाट । २०७४ के निर्वाचनम नेकपा माओवादीके समर्थनम नेकपा एमालेमसे निर्वाचित हुइल रलह । उहाँ ३७ हजार ९०८ मत प्राप्त कर्लरलह कलसे प्रतिद्धन्दी नेपाली काँग्रेसके सुशीला चौधरी २४ हजार ७४ मत प्राप्त कर्ल रलही । तर, आब अवस्था फेरगिल बा । २०७४ के निर्वाचनम जिहीस प्रतिस्पर्धा कर्ल मेटमणि आज ओक्रक सहयोगम व ज्याकर बैखाकी टेक्क चुनाव जित्ल उहिसे प्रतिस्पर्धा कर्टि बाट ।

निर्वाचन क्षेत्र नं. १ म स्थानीय तहके मतपरिणामके आधारम हेर्ना हो कलसे मेटमणिके पार्टी बहुट कम्जोर डेख परल । यी क्षेत्रम उहाँके पार्टी जम्माजम्मि पैलक मत २ हजार ३४१ केल हो । यदपी उहाँ सत्तारुढ गठबन्धन नेपाली काँग्रेस, माओवादी व जनमोर्चाके बुकुम चहुर्ख चुनाउ जित्ना कोसीस करल बाट । यदपी औरजहनके बुकुम चहुर्ख लक्ष्यम पुग्ना मेटमणिकेलाग फलामके चिउरा चबाएसक हुइलक् गठबन्धनके नेताहुक्र बटोइठ । आपन पार्टीके संगठन निबनैना, मन्त्री होख फे कुछु काम कर निसेक्लक ओर्से आब मेटमणि गठबन्धनके भरम चुनाव जित्ना आस करल बाट ।

डान्चे मत हुइलक पार्टी टिकट पाइल पाछ नेपाली काँग्रेस, नेकपा माओवादीम ब्यापक असन्तुष्टी बा । आबसम मेटमणिके पक्षमा गठबन्धनक नेताहुक्र खुल्क निलागल हुइट कलसे कार्यकर्ता फे अलमलम बाट । मेटमणि मन्त्री हुइलसेफे यी क्षेत्रम विकासके काम कुछ निकर्लक् सत्तारुढ गठबन्धनके नेताहुकन बेवास्ता कर्ना, किउनिन् टेर्ना लगायत यापक जनगुनासो बा । यदपी मेटमणि यि क्षेत्रमसे निर्वाचित हुइलपाछ यी क्षेत्रके विकासम बहुट काम कर्लक दाबी कर्ठ । ‘मै, म्वार क्षेत्रम विकासक बहुट काम करलबाटु, यिहाँक मतदाता महिह रोजही्, मेटमिण कल, –गठबन्धनके भोट पैना हुइलक् ओर्से मै जित्ना ढुक्क बाटु ।’

मेटमणीके भर्वा सुरेन्द्र
आब मेटमणिके भर्वा बनल बाट, नागरिक उन्मुक्ति पार्टीसे उम्मेदवार बन्लक सुरेद्र चौधरी । उहाँ आइएन्जिओसे उदैलक नेता हुइट । नेपाली काँग्रेसके पृष्ठभूमिमसे अइलक सुरेन्द्र नेपाली काँग्रेसके केन्द्रीय सदस्य योगेन्द्र चौधरीक डाडु हुइट । विगत नम्मा समयसे उहाँक परिवार नेपाली काँग्रेसम आवद्ध बाट । यदपी सुरेन्द्र भर काँग्रेससे अलग बाट । कौनो ब्याला पुर्वप्रधानमन्त्री बाबुराम भट्टराई निकट रलक सुरेन्द्र २०७४ के निर्वाचनम बाबुराम भट्टराइके पार्टी नयाँ शक्ति पार्टीसे उम्मद्वार बनल रलह ।
तर, आब उहाँ रेशमलाल चौधरीके पार्टी नागरिक उन्मुक्ती पार्टीसे उम्मेद्वार बनल बाट । एकाएक नागरिक उन्मुक्ती पार्टीसे सुरेन्द्रके उम्मेदवार परलपाछ सत्तारुढ गठबन्धनम फे अर्थपूर्णले हेर्गिल बा । नेपाली काँग्रेसके बल्गर क्षेत्रके रुपम चिन्गिलक् निर्वाचन क्षेत्र नं. १ म काँग्रेसमसे सुरेन्द्रकेभ भाइ योगेन्द्र दाबेदार रलह । तर गठबन्धनले नेकपा एकिकृत समाजवादीका सचिव मेटमणी टिकट पैल । यिह कारणले बहुट मेटमणिके विरुद्ध सुरेन्द उठैलक फे चिया पसल व चोकचोकम चर्चा बा । उहमार सत्तारुढ गठबन्धन घटक नेपाली काँग्रेसके भोट सुरेन्द पैनो स्थानीयहुक्र बटोइठ । गढवा ४ के अनिल चौधरी नागरिक उन्मुक्ति पार्टी मजा भोट पइना बटोइल । यी समयम देउखुरी नागरिक उन्मुक्ती पार्टीके लहर फे बा उहाँकल, काँग्रेस व माओवादीके अधिकांस भोट सुरेन्द्रम जाइ । रेशमलाल चौधरीके न्यायके लाग फे देउखुरीक अधिकांस थारु नागरिक उन्मुक्ति पाटीह भोट डर्ना स्थानीयके आंकलन बा । पहिचान व रेशमको न्यायके लाग फे जातिय भोट सुरेन्द्र पैना अनिलके दाबी बा ।
सुरेन्द्र चौधरी फे म्वार टक्कर गठबन्धन मेटमणिसे निहोख एमालेके शान्ता चौधरीहुइना बटोइल । ‘गठबन्धम बहुटज मेटमणिह निरुचाइल हुइट, सुरेन्दकल, –उहमार म्वार प्रतिस्पर्धा शान्ता जिसे हुइ,यिहा मतदाता बरापार्टी डिक्क वाक्क हुइलबाट, उहओर्से म्वार जित हुइना सुनिश्चत बा ।’
ओस्टक शान्ता, मेटमणि, सुरेन्द्रसंग गंगा थारु, रुक्मिणा चौधरी फे चुनावी प्रतिस्प्रधाम बाट । गंगा थारु टिकट निपाइलपाछ एमालेमसे विद्रोह कैख हाम्रो नेपाली पाटीसे उम्मेदवार बनल बाटी । उहाँ एमालेमसे विद्रोह कर्लसे फे स्थानीय मतदाताहुक्र गंगक पाछ किउ निलग्ना बटोइठ । ओसहक रुक्मिना चौधरी संघीय लोकतान्त्रिक राष्ट्रिय मञ्च (थरुहट) पार्टीमे चुनावम उठल बाटी ।

असिन बा, स्थानीय तहके मतपरिण
दाङ निर्वाचन क्षेत्र नं. १ मा राप्ती, गढवा, राजपुर गाउँपालिका, लमही नगरपालिका व घोराहीक १, २, ३ र ५ वडा सहित ३७ वडा रहल बा । स्थानीय तहके निर्वाचनम वडा तहम नेकपा एमाले, नेपाली काँग्रेस, नेकपा माओवादी केन्द्र, नेकपा एकिकृत समाजवादी व जनमोचासे पैलक मत असिन बा ।
१) नेकपा एमालेः २७ हजार २५ मत
२) नेपाली काँग्रेसः २९ हजार ७५७
३) नेकपा माओवादी केन्द्रः १९ हजार २७६
४) नेकपा एकिकृत समाजवादीः २ हजार ३४३
५) राष्ट्रिय जनमोर्चाः २ हजार ५९६

 

अग्रासन खबर

प्रतिक्रिया दिनुहोस्

भर्खरै प्रकासित