गुलर्या माघ सांस्कृतिक महोत्सव २०८२, थारु सम्बत २६४९ के सामा ढमाढम हुइटी बा ।
“एकता, विकास व आत्मनिर्भरताके लाग सांस्कृतिक अभियान” कना मूल नाराक साथ यिह पुस २७ गते घोराही उपमहानगरपालिका १७ गुलरिया स्थित शहिद नेत्रलाल पार्कम आयोजना ह्वाजैटि रलक् महोत्सवके सामा ढमाढक हुइटी रलक् महोत्सव मूल आयोजक समितिक संयोजक अशोक कुमार चौधरी जनैल । । उहाँके अन्सार गाउँगाउँम प्रचारप्रसार, नाच दर्ता, आर्थिक संकलन, काठी पट्या, डोनी, पट्री लगैना, पिठा पिसैना, ट्याल पेरैना, अचार बनैना, आलु कोर्ना लगायत कामह हुइटि रलक उहाँ बटोइल ।
ओस्टक ढुम्रु गीतके वाचन, थारु भाषाक साहित्यिक रचनाके वाचन कार्यक्रम फे समावेश कैगिलक महोत्सव मुल आयोजक समितिके सदस्य जनैल । अस्टक महोत्सवम थारु समुदायक परम्परागत तथा मौलिक परिकार ढिक्री, अनडीके रोटी, अनडीके भात, घोंघी, मच्छी, गेक्टा, सिध्रा मच्छि, मुस्वक सिकार, सुरिक सिकार, सुरिक पक्वा, आलुक अचार लगायत विक्री व प्रदर्शनीक विशेष स्टल ढर्ना महोत्सव मुल आयोजक समितिके संयोजक चौधरी जनैल । ओस्टक थारु भाषा, साहित्य, इतिहास व संस्कृतिसे सम्बन्धित मेरमेह्रिक पोष्टा फे विक्री वितरणके लाग ढर्ना सामा हुइटी रलक ओजक संस्था जनैल बा ।
