नेकपा एमाले नेतृ एवं चर्चित गायिका कोमल वलीके परिवारले दाङके थारु व दलित समुदायके छात्राहुकनके पह्राइम सहयोग पुगैना उद्दश्यले स्वर्गीय डाइ (आमा) दीपा वलीके नाउम २० लाख रुपैयाँके अक्षयकोष स्थापना करल बा ।
एक जना थारु समुदाय व एक जना दलित समुदायसे कक्षा ८ से उच्च शिक्षासमक लाग अध्ययनम लग्ना सक्कु यी ट्रष्टसे व्यहोर्ना गायिका वली बटोइली ।
‘हमार डाइ पह्र निपैली,’ उहाँकल्,ि ‘स्कुल जाइ निपैलसे फे हमार डाइ राजनीतिक व सामाजिक क्षेत्रम क्रियाशिल रलही, खास कैख छाइ (छोरी) मनै पह्र पर्ठा कना पहिलासे अभियान जो चलैटी आइल रलही, हमार डाइक कारणले आज हम्र यी ठाउँम बाटी ।’
‘डाइक सपना पुरा करलक लाग फे हमार परिवारसे अक्षयकोष स्थापना करल हो, उहाँ कलि, यी अक्षयकोषले थारु समुदाय व दलित समुदायके छाइ (छोरी) हुकन पह्राइम सहयोग पुग्ने बा ।’ ओस्टक वली परिवारसे वर्षेनी डाइके स्मृति दिवसके अवसरम एक महिला नेतृह सम्मान कर्ना फे घोषणा करल बा । राजनीतिमा लाग्ख कौनौ लाभके पदम निपुग्लक ६० वर्षसे उप्रलक महिलाह ‘दीपा वली स्मृति सम्मान’से सम्मान कर्ना वली जनैली ।
‘हमार डाइ पञ्चायतकालीन समयम जो महिला संघम सक्रिय होख नगर उपाध्यक्षसम बन्ख काम कर्लक् स्मरण कर्टि वली कलि, ‘हमार डाइ राजनीतिम महिलाके सहभागिता हुइपर्ठा कना आवाज पहिलासे उठैटी आइल रलही, परिवार व समाजह उन्नत बनैना व चेतना फैलाइ पर्ठा कैख कटि आइठ, हम्र यिह विश्वासके आधारह बनाख यी सम्मान फे डेना योजना बनैलक हुइटी ।’
दीपा वली व उहाके ठ¥वा (श्रीमान) ललित वलीके नाउम स्थापित दीपा–ललित ट्रष्टसे छात्रवृत्ति व सम्मानके कार्यक्रमके कार्यविधि बनाख कार्यान्वयन कर्ना व पहिला वार्षिकीम यी वितरण कर्ना फे वली बटोइली ।
कोमल वलीके चर्चित गीत ‘मलमल किरी जुनकिरी’लगायत २ दर्जनसे ढ्यार गीतके रचनाकारसमेत रलक दीपा वलीके अगहन (मंसिर) २ गते काठमाडौंम निधन हुइल रलहिन ।
