अगहन (मंसिर) ४ गते हुइना प्रतिनीधि सभा सदस्य व प्रदेश सभा सदस्य चुनाउके लाग उम्मेदवारी मनोनय दर्ता कैगिल बा । दाङके प्रतिनीधि सभा सदस्यके तीन सिट व प्रदेश सभा सदस्यके ६ सिट सहित नौ सिटके लाग ९० जहनके उम्मेदवारी परल बा । प्रतिनीधि सभा सदस्यम ४४ व प्रदेश सभा सदस्यम ४६ जहनके उम्मेदवारी पर्लक मुख्य निर्वाचन अधिकृतके कार्यालय जनैल बा ।
कार्यालयके अनुसार निर्वाचन क्षेत्र नं. १ के प्रतिनिधिसभा सदस्य व प्रदेशसभा सदस्य निर्वाचनक लाग २७ जहनके मनोनयन दर्ता हुइल बा । राजनीतिक दल व स्वतन्त्र कैख २७ जहनके मनोनयन दर्ता परल हो । प्रतिनीधि सभा सदस्यके लाग नेकपा एमालेके पोलिटब्यूरो सदस्य शान्ता चौधरी, सत्ता गठबन्धनमसे एकीकृत समाजवादीसे मेटमणि चौधरी, नागरिक उन्मुक्ति पार्टीबाट सुरेन्द्र चौधरी, नेपाली कांग्रेस विपीसे अशोक खड्का, हाम्रो नेपाली पार्टीबाट गंगा चौधरी, नेपाल मजदुर किसान पार्टीमसे गणेशभक्त खर्बुजा, राष्टिूय स्वतन्त्र पार्टीमसे देवराज पाठकक लगायतके उम्मेदवारी दर्ता हुइल बा ।
ओस्टक निर्वाचन क्षेत्र नं. १ के प्रदेशसभा सदस्य (क) के लाग नेकपा एमालेसे गंगाराम भट्टराई, नेकपा माओवादी केन्द्रसे इन्द्रजीत थारु, जनता समाजवादी पार्टीसे जगतराम यादव, मंगोल नेशनल अर्गनाइजेशन पाटीसे खुमबहादुर गाहा मगर लगायतके मनोनयन दर्ता परल बा । ओसहक प्रदेश सभा सदस्य (ख) के लाग नेकपा एमालेमसे कुलबहादुर खत्री क्षेत्री, नेपाली कांग्रेससे अनुराग खड्का, राष्टिूय प्रजातन्त्र पार्टीमसे गोरखबहादुर केसी, नागरिक उन्मुक्ति पार्टीमसे भक्तिराम चौधरी लगायतके उम्मेदवारी परल बा ।
अस्टक दाङ निर्वाचन क्षेत्र नं. २ म प्रतिनिधिसभा सदस्यके लाग २८ जहनके उम्मेद्वारी परल बा । प्रतिनीधि सभा सदस्यके लाग नेकपा एमालेके तफसे एमालेके महासचिव शंकर पोख्रेल, सत्ता गठबन्धनके तर्फसे नेकपा माओवादी केन्द्रके रेखा शर्मा, नेपाली कांग्रेस वीपीके गोविन्दप्रसाद शर्मा, नेकपा मालेके नेत्रप्रसाद पाण्डे, नेमकिपाके आशाराम वैद्य लगायतके उम्मेदवारी परल बा । ओस्टक निर्वाचन क्षेत्र नं. २ के प्रदेश सभा सदस्य (क) म ८ जहनके उम्मेदवारी परल बा । नेकपा एमालेसे बलिभद्र राना, सत्ता गठबन्धनमसे नेपाली कांग्रेसके राजु खनाल, राप्रपाके गोपालबहादुर बेलबासे लगायत उम्मेदवारी दर्ता करैल बाट । अस्टक क्षेत्र नं. २ के (ख) म ५ जहनके उम्मेद्वारी परल बा । नेकपा एमालेसे गिरिराज केसी, नेपाली कांग्रेससे प्रचण्डविक्रम न्यौपाने, राप्रपाके उमाकान्त भण्डारी लगायत उम्मेद्वारी डेल बाट ।
ओसहक निर्वाचन क्षेत्र नं. ३ म प्रतिनिधिसभा सदस्य व प्रदेशसभा सदस्यका लाग स्वतन्त्रसहित ३५ जहनके मनोनयन दर्ता पर्लक मुख्य निर्वाचन अधिकृतक कार्यालय जनैल बा । प्रतिनिधिसभा सदस्यके लगा नेकपा एमालेके केन्द्रीय सदस्य कोमल ओली, सत्तारुढ गठबन्धनके तर्फसे नेपाली कांग्रेसके दीपक गिरी, राप्रपाके ओजबहादुर खड्का, राष्टिूय स्वतन्त्र पार्टीका कमल सुवेदी लगायत मनोनयन दर्ता करैल बाट । ओस्टक निर्वाचन क्षेत्र नं. ३ के प्रदेश सभा सदस्यके लाग (क) म नेकपा एमालेके केन्द्रीय सदस्य घनश्याम पाण्डे, सत्तागठबन्धनके टरफसे नेपाली कांग्रेसके डिल्लीबहादुर चौधरी, राप्रपाके हंसराज केसी, नेपाल लोकतान्त्रिक पार्टीके सागर बिक उम्मेदवारी डेल बाट । ओस्टक (ख) म नेकपा एमाले दाङके अध्यक्ष हुकुमबहादुर बस्नेत, सत्तागठबन्धनमसे नेकपा माओवादी केन्द्रके धनबहादुर मास्की, राप्रपाके भुपाल रावत, लोकतान्त्रिक समाजवादी पार्टीका राजन डाँगी लगायत उम्मेदवारी डेल बाट ।
