नगरसभाके अध्यक्ष एवं नगर प्रमुख नरुलाल चौधरीले आगामी आर्थिक बर्ष २०८२-८३ के लाग नीति तथा कार्यक्रम नगरसभाम प्रस्तुत कर्लरलह । उहाँ नीति कार्यक्रमम कृषि, उद्यम, रोजागारी, शिक्षा, स्वास्थ्य, पूर्वाधार व सामाजिक विकास उच्च प्राथमिकता डेख नगर संबृद्ध बनैना कार्यक्रम रलक बटोइल । नगर सभाम नगर प्रमुख चौधरी थारु भाषाके कक्षा १ ठेसे ३ समके पाठ्यक्रम अनुसारके पाठ्यपुस्तक बनाख पह्राइ लागु कर्ना बटोइल । ओस्टक मगर भाषाके पाठ्यपुस्तक फे बनाख मातृभाषाम पह्राइ संचालन अन्ना नीति कार्यक्रम प्रस्तुत कर्ल ।
घोराही उपमहानगरपालिक अन्तर्गत रलक भूमिहीन दलित, भूमिहीन सुकुम्बासी व अव्यवस्थित बसोबासीह जग्गा उपलब्ध करैना उत्पादनके आधारम विभिन्न वडाह बाली विशेषके पकेट क्षेत्र पहिचान तथा बिस्तार कैख बिभिन्न खाद्यान्नद बाली नगदेवाली तथा फलफूल खेतीके रुपम विकास एवं विस्तार व वीउको स्रोत केन्द्र सुदृढीकरण, विस्तार व प्रवद्र्धन कर्ना नगरप्रमुख चौधरी नीति कार्यक्रमम प्रस्तुत कर्ल । ओस्टक वाँझो तथा प्रयोगविहीन जमिनह कृषि उपयोगम आन्ख उत्पादनशील बनैना उद्देश्यले भूमि बैंकसम्बन्धी कानून बनाख कार्यान्वयनम अन्ना व कृषि उपजके बजारीकरण, हाटबजारके व्यवस्थापन तथा कृषि सहकारी संस्थाह सुदृढीकरणसंग सूचना प्रविधिके प्रभावकारी प्रयोगमार्फत कृषकहुक समयम कृषि सम्बन्धी सूचना, सल्लाह डेना नीति कार्यक्रमम रलक बटोइल ।
अस्टक घोराही उपमहानगरपालिके क्षेत्रभिट्टर उपलब्ध कृषियोग्य भूमिमा नियमित तथा भरपर्दो सिँचाइ सुविधा सुनिश्चित करकलाग सम्भावित खोला, खोल्सी, सिमसार तथा अन्य जलस्रोतके संरक्षण व व्यवस्थापन कर्ना, सम्भाव्यताके आधारम डिपबोरिङ, स्यालो ट्युववेल, लिफ्ट सिंचाइ वहुउद्देश्यीय जलाशय बनैना बटोइल । ओस्टक प्रारम्भिक बालशिक्षा कार्यक्रमके गुणस्तर वृद्धि कैख आवश्यक शैक्षिक सामग्री, बालमैत्री कक्षाकोठा व सिकाइ पूर्वाधारके व्यवस्था कर्ना नगरप्रमुख चौधरी बटोइल । अस्टक बाल विकास शिक्षकहुकन क्षमता अभिवृद्धि तालिम कार्यक्रमह निरन्तरता डेना, बालमैत्री सिकाइ प्रणालीम रूपान्तरण कैख उमेरअनुसारके गतिविधि संचालनसंग विद्यालय उमेर समूहके सक्कु बालबालिकाके शिक्षामा पहुँच सुनिश्चित कर्ना प्रोत्साहनमुखी कार्यक्रम संचालन कर्ना योजना रलक बटोइल ।
ओस्टक चिकित्साशास्त्र व इन्जिनियरिङ लगायतक उच्चस्तरीय शैक्षिक कार्यक्रमह छात्रवृत्ति कार्यक्रम निरन्तरता डेना बटोइल । अस्टक विद्यार्थीके सिर्जनशीलता, विश्लेषणात्मक सोच, आत्मविश्वास व सार्वजनिक अभिव्यक्तिके क्षमता विकास कर्ना उद्देश्यले विद्यालयस्तरीय बौद्धिक तथा सृजनात्मक प्रतियोगिताह संचालन कर्ना बटोइल । अस्टक घोराही वडा नं १८ स्थित नवलपुर खेलमैदानह “मिनि रंगशाला”के रूपम विकास कर्ना, घोराही-१७ स्थित गुलरिया क्रिकेट मैदान तथा घोराही-१४ स्थित कर्भड हल परिसर म कराते, तेक्वान्दो, बक्सिङलगायत इनडोर खेलके क्रमशः पूर्वाधार विस्तार कर्ना व वडा नं. १६ के नेत्रलाल स्मृती रङ्गशाला स्थापना कर्ना प्रदेश सरकारसँग समन्वय कैख आघ बहर्ना नीति कार्यक्रमम उल्लेख बा ।
अस्टक संविधानसे परिकल्पना कर्लक निःशुल्क आधारभूत स्वास्थ्य सेवाह गुणस्तरीय, प्रभावकारी व नागरिक मैत्री बनाइकलगा नियमित औषधी तथा उपकरणके आपुर्ती व्यवस्थित कर्ना बटोइल । महिला प्रजनन् स्वास्थ्य प्रवर्धन कार्यक्रम संचालन कैख नगरवासी महिलाके प्रजनन् स्वास्थ्य सम्बन्धी सचेतना परामर्श साथै पाठेघरके मुखके क्यान्सर, स्तन क्यान्सर परीक्षण तथा पाठेघर खस्ना व अन्य प्रजनन् स्वास्थ्य समस्याके स्क्रिनिङ लगायतके सेवाहरु संचालन कर्ना जानकारी डेल । ओस्टक बिपन्न नागरिकहुकन निशुल्क स्वास्थ्य सेवा प्रदान कर्ना नीति बमोजिम असहाय, अशक्त व आर्थिक रुपले विपन्न वर्गहुकन मुटु, मृगौला प्रत्यारोपण, क्यान्सर, कलेजो लगायत रोगके उपचारम आर्थिक सहायता प्रदान कर्ना बटोइल ।
अस्टक एक वडा एक उत्पादन, एक घर एक उद्यमह व्यवहारिक कार्यान्वयन कर्टि स्थानीय उत्पादनके प्याकेजिङ, ब्रान्डिङ तथा बजारिकरणम संलग्न उद्यमीहरुके क्षमता अभिवृद्धि तथा नव-उद्यम प्रवद्र्धनम जोड डेना नीति कार्यक्रम रलक नगरप्रमुख चौधरी बटोइल । अस्टक “स्वस्थ पशु स्वच्छ उत्पादन” अन्तर्गत नियमित पशु उपचार, आकष्मिक पशु स्वास्थ्य शिविर व डोर टु डोर जसिन किसानमुखी कार्यक्रमह निरन्तरता डेना व वैदेशिक रोजगारीसे घुम्लक युवायुवती, गरिबीके परिचयपत्र प्राप्त परिवार तथा मुक्त कम्लहरी, शारिरिक अशक्त, एकल महिलाहुकन लक्षित कैख पशु व्यवसाय अभिवृद्धि कार्यक्रम संचालन कर्ना व खेतिबालीम अर्गानिक मलके प्रयोग बह्राइकलाग गाई-भैसीके भकारो सुधार कार्यक्रम संचालन कर्ना बटोइल ।
अस्टक नगरप्रमुख चौधरी वेलदमार चाक्लिघाटहुइटी सूर्केडाँगी व नैनवार रज्जेमन्नाम हुइटी रिहार समका सडकह घोराहीके वैकल्पिक सडक मार्गके रुपम विकसित कर्ना बटोइल । अस्टक संघ तथा प्रदेश सरकारके सहकार्य व समन्वयम औद्योगिक क्षेत्र तथा औद्योगिक ग्राम पूर्वाधार निर्माणम जोड डेना बटोइल । अस्टक गाउँवस्ती जोड्ना साना खोल्सा तथा खहरे खोलाहरुम कल्भर्ट निर्माण कैख आवत जावतह सहज बनैना व संघीय सरकार तथा प्रदेश सरकारके लगानीम बरा लड्या (नदी) व खल्वम पुल बनाइलगा पहल कर्ना बटोइल ।
