थारु कल्याणकारिणी सभा दाङ आयोजनाम घोराही माघ महोत्सव हुइना हुइल बा ।
बुधक डिन घोराहीम बैस्लक कचेहरीमसे पुस १८ व १९ गते माघ महोत्सव कर्ना निर्णय कर्लक सभाके अध्यक्ष अशोक चौधरी चनैल । उहाँके अनुसार पुसक १८ सन्झ्या ढुम्रु गैना व १९ गते साँस्कतिक कायक्रम कर्ना तय हुइल बा । ओस्टक महोत्सवम राष्ट्रिय थारु कलाकारहुकनके फे विशेष प्रस्तुति रहना उहाँ जनैल ।
आपन संस्कार सस्कृतिके संरक्षण कर्टि पर्यटन प्रबर्द्धन व स्थानिय रैठाने उत्पादनह बजारिकरण कर्टि आर्थिक वृद्धि कर्ना उद्देश्यले महोत्सव आयोजना कैगिलक अध्यक्ष चौधरी बटोइल ।
महोत्सबह भब्य व सभ्य बनाईक लाग सक्कुजहन आ-आपन ठाउमसे सहयोग कैडिहलाग फे अर्जि कैल बाट । थारु समुदायके माघ महोत्सवके लाग हरेक वर्ष घोराही उपमहानगरपालिका कार्यालयसे तीन लाख आर्थिक सहयग कर्टि आइल बा ।
