घोराही–तुलसीपुर डगर चार लेन बनाइकलाग लौव ठेक्का हुइना हुइल बा । यिहिसे आघ नम्मा समय अलपत्र पर्लक उ डगरके आब नेपाल सरकारके लगानीम बनैनाकैख लौव ठेक्का कर लग्लक् नेकपा (एमाले) के महासचिव शंकर पोख्रेल जनैल ।
चालू आर्थिक वर्षभिट्र ठेक्का कर्नाकैख अर्थ मन्त्रालयसे प्रक्रिया सुरू कैगिलक् हो । घोराही–तुलसीपुर डगर चार लेन सहित दाङके समग्र विकास निर्माणक विषयम महासचिव पोख्रेल सोमारक डिन्वा संघीय अर्थमन्त्री विष्णु पौडेल, भौतिक पूर्वाधारमन्त्री देवेन्द्र दाहाल, अर्थ सचिव, भौतिक मन्त्रालयके सचिव तथा मन्त्रालयके कर्मचारीहुकनसे छलफल कर्लक् हुइट ।
ओस्टक लमही–घोराही सडकखण्डफे चार लेन विस्तार कर्ना कामके प्रक्रिया आघ बह्रागिलक महासचिव पोख्रेल बटोइल । अस्टक एमसीसी परियोजना अन्तर्गत डगरम आठ लेन बनाइकलाग प्रक्रिया आघ बह्रागिल बा । एमसीसी परियोजनाह यिहिसे कैगिलक डिजाइन सुधार कैख आठ लेन बनैना अर्जिक कैगिलक हो । अस्टक एमसीसी परियोजनासे प्रस्ताव स्वीकार निकर्लसे सरकारसे उह डिजाइन अनुसार खर्च कर्नाकैख गुणस्तरके सडक निर्माण हुइने बा ।
अस्टक राप्ती स्वास्थ्य विज्ञान प्रतिष्ठानम एमबीबीएस अध्यापनक लाग सक्कु बजेट सुनिश्चित कैगिलक महासचिव पोख्रेल जनैल । ‘हम्र दाङके विकासक लाग व्यापक योजना बनैना जरुर बा, उहाँकल,–पूर्वाधार विकास निकैख और विकास कर्ना कर्रा बा ।’
