दाङ जिल्ला उद्योग वाणिज्यसंघके निर्वाचन लच्कैटि रहल ब्याला उम्मेदवारहुक्र व्यवसायीके पसल पसल, घरघरम जाक भोट मग्ना अभियानह तिब्र बनैल बाट ।
कुवाँर (असोज) १३ गेत हुइना चुनाउम दुइठो समुह आ आपन प्यानल बनाख चुनावी मैदानम खटल बाट । रामप्रसाद पोख्रेलके नेतृत्वम साझा समावेशी व्यवसायीक प्यानल बनाख बजार बजार, व्यसायीक पसल, घरघरम घरदैलो अभियानह तिब्र बनैल बाट ।
घरदैलो अभियनम व्यवसायिकहुकनके समस्या बुझ्टी आपन प्यानलह विजयी हुइलसे सक्कु समस्याके समाधान कर्ना तयार रलक अध्यक्षके उम्मेदवार रामप्रसाद पोख्रेल बटोइल । उहाँह नेकपा एमाले, राप्रपा पार्टी, नेकपा माओवादी (विप्लब) पार्टी, स्वतन्त्र पार्टी लगायत के समर्थन पैल बाट ।
दिनप्रतिदीन पोख्रेलके पक्षम माहोल बन्टि गैइलक व्यवसायीहुक बटोइठ । पोख्रेलके नेतृत्वम वरिष्ठ उपाध्यक्षम दिपेन्द्र पुन मगर, उद्योग उपाध्यक्षमा धुव्र कुमार गहतराज, वाणिज्य उपाध्यक्षमा राजभक्त राना, महासचिवम शालिकराम खनाल, सचिवम भिमसेन डिसी व कोषाध्यक्षम प्रेम बहादुर बुढा मगर लगायत रहल बाट ।
ओस्टक सहकोषाध्यक्षम यादव श्रेष्ठ, उद्योग सदस्यम सन्तोष नेपाली, महिला सदस्यम देबकला बस्नेत, बस्तुगत सदस्यम ओमप्रकाश पोख्रेल, एशोसिएत सदस्यम गणेश दाहाल, वाणिज्य सदस्यम राणविक्रम चन्द, राजकुमार गुप्ता, सुशिल आचार्य, कृष्ण बहादुर कवर, अर्जुन पन्थी, रेवन्तकुमार श्रेष्ठ, सञ्जय कुमार विश्वकर्मा व शेरबहादुर पुन रहल बाट ।
