थारु गाउँगाउँम लौव मटावा चुन्ना सुरु हुइल बा ।हरेक र्वष माघक् ब्याला थारु गाउँ गाउँम मटाँवा चुनजैठा । गाउँभरिक गरढु¥या मटाँवाक् घरम ख्याल जुट्ना ओ बर्षभरिक कामके समिक्षा कर्टि अइना वर्षक कार्ययोजना बनैना संगसंग महटावा चुन्ना कैजिठा ।
लोकतान्त्रिक अभ्यासले चुनजैना मटावा प्रथा मजा काम कर्ना व्यक्तिह फेसे मटावा बनाजैठा । यदपी गैल बर्षम मजा काम नै कर्लसे लौव व्यक्तिके खोजि कैख लौव नतृत्व डेजिना कर्लक ् म महटावा महासंघके अध्यक्ष चन्द्रप्रसाद चौधरी बटोइल । उहाँके अनुसार यी वर्ष फे गाउँक गरढु¥याहुक्र आपनह मटावा चुन्लक बटोइल ।
ओस्टस्टक घोराही उपमहानगरपालिका ७ शुक्रवारक गाउँम पुरान मटावा लक्ष्मिप्रसाद चौधरी फेसे मटाँवा चुन्गिल बाट । ओसहक घोराही ६ पक्वैमा लौटन चौधरी, चोर गाउँम जगविर चौधरी मटावाम चुन्गैलबाट । अस्टक घोराही १६ मघै गाउँम निर्मल चौधरी फे महटावा चन्गैल बाट । ओस्टक घोराही १३ गुलरियाम फे फेसे रामप्रासद चौधरी महटावा चयन हुइलबाट । ओसहक घोराही घोराही १७ ओखराम मोतिलाल चौधरी जो महटावा चयन कैगिल बा । ओस्टक तुलसीपुर १५ डुरुवाम मंगल चौधरी फेसे मटावाँ चुन्गिलबाट । असिम गाउँ गाउँम मटाँवा चुन्ना सुरु हुइल बा । कहोंर उह पुरान मटावाँ डोह्रैल बाट कलसे कहोंरे लौव मटाँवा चुन्गिलक मटाँवा महासंघके अध्यक्ष चन्द्रप्रसाद चौधरीके जनैल ।
के हो मटाँवा
मटाँवा प्रथा कलक् थारु समुदायके सब्से जन्नाबुझ्ना ओ गाउँके अगुवाइ कर्नाहन मटावा बनाजैठा । मर्निकर्नी ठेसे लेक झैझग्रा मिलैना न्याधिसके कामठेसे गाउँके समग्र विकासके नेतृत्व कर्ना अगुवा, नेतृत्वकर्ताह मटावा कैजिठा । मटावाह सहयोग करुइया अघवा, चौकिडर्वा फे रठ । प्राय गाउँम मटावासंगसंग अघवा, चौकिडर्वा फे चयन कैजिठा । मटावाहन काम कर्नाम सहयोग पुगस कैक एकजहन अघवा बनाजैठा ।
अघवाके काम गाउँ बहारसे अइलक् खबर गाउँम पुगैना, गाउँम का का हुइटि बा वाकर खवर डेना कुल्वा, सिचाईके नेतृत्व कर्ना विग्रल ठाउँम बनाइलाग खब्रैना काम कर्ठ । अर्थात गाउँके प्रवक्ताके रुपम अघवाहुक्र काम कर्ठ । ओस्टक चौकिडर्वा गाउँक अन्नबाली हेर्ना, गाउँके सुरक्षाके रेखडेख कर्ना, गाउँके सिमाना हेर्ना कामके जिम्मेवारी डेजिठा ।
