किउ मःम बनैटि बाट, किउ कराहीम चाउमिन भुट्टी । किउ चक्कुले मसला कट्टीबाट किउ प्लेटम नास्ताके भाग लगैटि बाट । भान्साक्वाठम हुकनके उत्साहले भरल बा । तर, यी कौना होटलके दृश्य निहो । यी त घोराहीस्थित भिक्टोरिया कलेजम होटल म्यानेजमेन्ट अध्ययनरत विद्यार्थीनके हो । उहाँहुक्र केवल किताबम केल सीमित निहुइट । प्रयोगात्मक कक्षाम निरन्तर अभ्यास कर्टि आइलबाट । आब उहाँहुक्र प्रयोगात्मक अभ्यासले बहुट खुशी बाट । आपन भविष्यप्रति आशावादीफे ओस्टह ।
कलेजम अध्ययनरत विद्यार्थी पुजा रावत आब यिह होटल म्यानेजमेन्टम आपन सुनौलो भविष्य ड्याख भिरलबाटी । ब्याचलर इन होटल म्यानेजमेन्ट (BHM) अध्यनरत विद्यार्थी रावत भविष्यम मजा कुक बन्ना सपना डेख्लबाटी । उहाँ पहिलो फ्यारा प्रस्तुत कर्लक स्यान्डविच व मःम शिक्षकठेसे सहपाठीसम सक्कुज मन परैल । “पहिला त डर लाग, आब त विश्वास जागल बा, म मजा सेफ बन सेकम, उहाँ उत्साहपूर्वक कल, भविष्यम होटल म्यानेजमेन्ट बन्न सेक्ना विश्वास जागल बा ।”
अस्टक उहाँके संघरिया विवेक पौडेल खाजाम लौव प्रयोग कर्ना माहिर डेखपर्ठ । उहाँ परम्परागत परिकारह आधुनिक शैलीम प्रस्तुत कर्ख सक्कुन्हक ध्यान खिच्ठ । “ग्राहकहर्क फरक स्वाद डिहसेक्लसेकेल होटल व्यवसायम टिक सेक्जैठा कना सिक्टीबाटु, उहाँकले, उहओंरसे लौव लौव आइटम बनैनाम ध्यान डेठु ।” परिकारम नविनतम कर्ना प्रयासले कलेजक ब्याचलर इन होटल म्यानेजमेन्ट (BHM) कार्यक्रम संयोजक सुबोध आचार्य फे चकित परलबाट । संयोजक आचार्यके अनुसार विद्यार्थीहुक्र छोटीसमयम मजा प्रगति करभिलबाट । उहाँहुकनम डेखपर्लक आत्मविश्वासले भविष्यम दक्ष शेफ व होटल व्यवसायी बन्ना सम्भावना बहर्लक उहाँ बटोइल ।
यिहबिच भिक्टोरिया कलेज घोराहीम ब्याचलर इन होटल म्यानेजमेन्ट (BHM) अध्ययनरत विद्यार्थीहके प्रयोगात्मक कक्षाके पत्रकारहुक्र अवलोकन करलबाट । नेपाल पत्रकार महासङ्घके पूर्व केन्द्रीय अध्यक्ष विपुल पोख्रेल, केन्द्रीय सचिव सविन प्रियाशन सहितक पत्रकारहुक्र विद्यार्थीके प्रयोगात्मक कक्षा अवलोकन करलक हुइट । अवलोकनपाछ पूर्व अध्यक्ष पोख्रेल होटल म्यानेजमेन्ट सीपयुक्त कोर्स हुइलकओर्से यिहिले रोजगारी सिर्जनाम योगदान पुगैनाम विश्वास व्यक्त कर्ल । नेपालम फे होटल व्यवसाय महत्वपूर्ण सम्भावना क्षेत्र हुइलकओर्से दक्ष जनशक्ति उत्पादन आझुक आवश्यक्ता रलक फे बटोइल ।
अस्टख कलेजक प्रमुख कुलविर चौधरी होटल म्यानेजमेन्ट (BHM) अध्ययनरत विद्यार्थीहरुको उत्साह व रुचि डुनु रलक बटोइल । यी कोर्षले व्यक्तिगत केल निहोख राष्ट्रिय समृद्धिसँग रोजगारी सिर्जनाम फे महत्वपूर्ण योगदान पुग्ना उहाँ बटोइल । “होटल म्यानेजमेन्ट अध्ययनले विद्यार्थीहुकन होटल, रेस्टुरेन्ट, रिसोर्ट, एयरलाइन, क्रुजदेखि इभेन्ट म्यानेजमेन्टसमके क्षेत्रम पेशागत अवसर डिहसेक्जाइ, उहाँकल, यिहिले रोजगारी व आत्मनिर्भरता डुनु दृष्टिले बहुट महत्वपूर्ण मान्जैठा ।” १७ बर्ष आघ स्थापना हुइलक कलेजम बिबिए, एमबिए पढाइ हुइटी आइल बा ।
