थारु समुदायके परम्परागत तिथि, रिति व संस्कार अनुसार असौंक डस्याके ढिक्रह्वा कुवाँर (असोज) २५ गते परल बा ।
थारु समुदायभिट्टर असौंक ढिक्रह्वा कौन डिन कर्ना कना विषयम अलमल रहल ब्याला थारु संघसस्था, मटावा, थारु संस्कृतिविदहुक्र असौंक डस्यक् ढिक्रह्वा कुवाँर (असोज) २५ गते पर्लक् जनैल बाट ।
थारु अगुवा एवं गुर्वा मानवहादुर चौधरीके अनुसार कुवाँर २४ गते पैनस्टोपी ढुइना, २५ गते ढिक्री पूज्ना, २६ गते मुर्घी पूज्ना व डिन्ख आपन गाउँक मटावासे उज्जर (रज्वा) टिका लगैना साइत रहल बा ।
दहितनके पिट्टर (श्राद्ध) पंचमीके डिन डेना कर्ठ कलसे और थरके थारुहुक्र महानवमीके डिन मुर्घी पुज्ना ओ आपन पुर्खन पिट्टर डेना परम्परागत संस्कार हुइलकओर्से असौंक ढिक्रह्वा २५ गते व २६ गते मुर्घी पूज्ना, पिट्टर डेना शुभ साइत हुइलक चौधरी बटोइल । ओस्टक गाउँक मटावासे उज्जर टिका फे २६ गते पर्लक उहाँ जनैल ।
