नेपाल पत्रकार महासंघके केन्द्रीय पदाधिकारीम पहिला फ्यारा थारु पत्रकार निर्वाचित हुइल बाट ।भर्खर हुइलक महासंघके चुनाउमसे केन्द्रीय सचिवम दाङ निवासी सबिन कुमार चौधरी ‘सविन प्रियासन’ निर्वाचित हुइलक हुइट । उहाँ महासंघके आदिवासी जनजाति कोटाके सचिव पदम निर्वाचित हुइल हुइट ।
देशभर एकसाथ तीन तहम हुइलक चुनाउमसे प्रियासन सहित ३० ज थारु पत्रकार निर्वाचित हुइल बाट । महासंघके अनुसार प्रदेश शाखम एक उपाध्यक्ष सहित पाँच ज सदस्य निर्वाचित हुइल बाट । नेपाल पत्रकार महासंघ सुदूरपश्चिम प्रदेश कमिटिके उपाध्यक्षम हेमन्ती डंगौरा चौधरी, कर्णाली प्रदेश कमिटिके सदस्यम करिश्मा चौधरी, लुम्बिनी प्रदेश कमिटिम सविता चौधरी, सरिता थारु व मधेश प्रदेश कमिटिके सदस्यम जियालाल चौधरी निर्वाचित हुइल बाट ।
ओस्टक महासंघके एक शाखा एक उपाध्यक्ष व पाँच शाखाक पाँच सहसचिव सहित १४ ज विभिन्न जिल्लाके कार्यसमितिके सदस्यम निर्वाचित हुइल बाट । महासंघ दाङ शाखाके सहसचिवम प्रकाश चौधरी, सदस्यम सरिता चौधरी, सुरक्षा चौधरी निर्वाचित हुइल बाट । ओस्टक महासंघके वाँके शाखाके सहसचिवम भगत थारु, सदस्यम सम्भुप्रसाद थारु, निर्मला चौधरी, बर्दिया शाखाके उपाध्यक्षम पुष्पा चौधरी, सहसचिवम सरम चौधरी निर्वाचित हुइल बाट ।
ओस्टक कैलाली शाखाके सदस्यम अनिता चौधरी, रतनलाल चौधरी, सुधराम दहित कन्चनपुरके सदस्यम दानसिंह डंगौरा थारु निर्वाचित हुइल बाट । अस्टक कपिलबस्तु शाखाम सोनकुमारी थारु रुपन्देही शाखाम अनिता चौधरी, नरेश चौधरी, चितवन शाखाके सहचिवम राजु चौधरी, बाराके सहचिवम दुष्यन्त चाौधरी, सदस्यम धीरेन्द्र पुनहर, सुनसरी शाखाके सदस्यम चन्द्रकला चौधरी व धनुषा शाखाम लक्ष्मि चौधरी निर्वाचित हुइल बाट ।
अस्टक महासंघके राष्ट्रिय परिषद सदस्यम दाङमसे दिप्तीशिखा चौधरी मधेश प्रदेश परिषद सदस्यम धीरेन्द्र कुमार चौधरी, सुशीला चौधरी, कमला चौधरी निर्वाचित हुइल बाट ।
