दाङमसे यी थारु नेता हुइल सिफारिस

अइना अगहन (मंसिर) ४ गते हुइना प्रतिनीधि सभा तथा प्रदेश सभा सदस्यके निर्वाचनके लाग उम्मेदवार सिफारिस कर्ना सुरु हुइल बा । दाङके तीन निर्वाचन क्षेत्रमसे नेकपा एमाले व नेपाली काँग्रेससे प्रतिनीधि सभा सदस्य व प्रदेश सभा सदस्यके लाग उम्मेदवारके नाउ सिफारिस कै स्याकल बा । नेकपा माओवादी केन्द्रमसेभर आम्हिनसम उम्मेदवार सिफारिस नि करल हो ।

नेकपा एमाले व नेपाली काँग्रेसमसे प्रतिनीभि सभा, प्रदेश सभाकाके लाग प्रत्यक्ष व समानुपातिम ५-५ जहनके नाउ सिफारिस करल बा । नेकपा एमाले घोराही नगर कमिटिके अध्यक्ष भुवन चौधरीके अनुसार निर्वाचन क्षेत्र नं. १ मसे प्रतिनीधि सभा सदस्यके लाग शान्ता चौधरी, गंगा चौधरीके नाउ सिफारिस करल बा ।

शान्ता चौधरी नेकपा एमालेके पोलिट व्यूरो सदस्य व नेकपा एमाले संघीय संसदीय दलके सचेतक फे हुइटी । उहाँ नेकपा एमालेके प्रभावशाली नेताके रुपम चिन्जैठी । ओस्टक गंगा चौधरी पार्टीके केन्द्रीय सदस्य व प्रतिनीधि सभाके सदस्य हुइटी । एमालेमे यी डुनु नेता मध्य एकजहन क्षेत्र नं. १ मसे उठैना तयारी कैख डुनुजहनके नाउ सिफारिस करल हो । यदपी क्षेत्र नं. १ मसे शान्ता चौधरी टिकट पैना सम्भावना रलक उहाँ निकट स्रोत जनैल बा ।

ओस्टक प्रदेश सभाओंरे तीन जहनके नाउ सिफारिस हुइलक अध्यक्ष चौधरी बटोइल । उहाँके अनुसार क्षेत्र नं. ३ के (ख) म प्रत्यक्ष तर्फओंर धमकली चौधरी व समानुपातिकम भागीराम चौधरी (दंगीशरण) व भागिराम चौधरी (तुलसीपुर) के नाउ सिफारिस हुइल बा । धमकली चौधरी लुम्विनी प्रदेश सभाके सदस्य व पार्टीके प्रदेश कमिटिके सदस्य हुइटी कलसे दंगीशरणके भागिराम चौधरी दंगीशरण गाउँपालिकाके पुर्व अध्यक्ष एवं पार्टी प्रदेश कमिटिकी सदस्य हुइट । ओस्टक और भागिराम चौधरी तुलसीपुरके स्थानीय नेता एवं जिल्ला सदस्य हुइट ।

ओस्टक नेपाली काँग्रेसके टरफसे प्रतिनीधि सभाम दुइ जहनके व प्रदेश सभाम तीन जहनके कैख ५ जहनके नाउ सिफारिस हुइलक नेपाली काँग्रेसके नेता लक्ष्मिमान चौधरी जनैल । उहाँके अनुसार प्रतिनीभिा सभाओंर दाङ क्षेत्र नं. १ मसे प्रत्यक्षम योगेन्द्र चौधरी व समानुपातिकम सुशीला चौधरीके नाउ सिफारिस कैगिल बा । ओस्टक क्षेत्र नं. २ के प्रदेश सभाके सदस्यम समानुपातिकओंर लक्ष्मिमान चौधरी के नाउ सिफारिस हुइल बा । समानुपातिओंर सिफारिस हुइलक लक्ष्मिमान चौधरी पत्रकार व मस्ट¥वा हुइट । योगेन्द्र चौधरी नेपाली काँग्रेसके केन्द्रीय सदस्य व पूर्व सांसद हुइट । उहाँ देउवा(गच्छदार निकट नेताके रुपम चिन्जैठ । सुशीला चौधरी २०७० म उह क्षेत्रमसे. निर्वाचत सांसद हुइटी ।

अस्टक प्रदेश सभा सदस्यके लाग क्षेत्र नं. ३ के (क) म प्रत्यक्षओंर डिल्ली बहादुर चौधरीके नाउ सिफारिस कैगिल बा । उह क्षेत्रमसे प्रदेश सभा सदस्यके समानुपातिकम चुर्ण बहादुर चौधरीके नाउ फे सिफारिस कैगिलक् चौधरी जनैल । लुम्विनी प्रदेश सरकारके ग्रामिण तथा पर्यटन मन्त्री समेत रलक डिल्ली बहादुर चौधरी २०७४ म यिह क्षेत्रमसे निर्वाचित हुइल रलह । उहाँ उ ब्याला एमाले माओवादीके गठबन्धनके उम्मेद्वार जगप्रसाद अपारह हरैल रलह ।

असहक क्षेत्र नं. १ मसे नेकपा एकिकृत समाजवादीके नेता एवं शहरी मन्त्री मेटमणी चौधरीके फे उठ्ना चर्चा बा । उहाँ सत्तारुढ गठबन्धन (नेपाली काँग्रेस, माओवादी, समाजवादी, जसपा)के टरफसे उठना तयारी करल बाट । ओस्टक नेकपा माओवादी केन्द्रके टरफसे क्षेत्र नं. १ के (क) के प्रदेश सभा सदस्यम इन्द्रजीत थारु उठ्ना चर्चा बा । उहाँ २०७४के निर्वाचनम यिह क्षेत्रमसे प्रदेश सभा सदस्यम जिटल रलह । थारु लुम्विनी प्रदेश सरकारके स्वाथ्य मन्त्री बाट ।

अग्रासन खबर

प्रतिक्रिया दिनुहोस्

संबन्धित समाचार

भर्खरै प्रकासित