दाङके सक्कु पालिकाम मनोनयन दर्ता, घोराही मेयरम नरुलाल चौधरी सहित १३ थारुन्हक् उम्मेदवारी

घोराही, १२ वैशाख । वैशाख ३० गते हुइना स्थानित तहके चुनाउके लाग दाङके १० पालिकाम विभिन्न राजनीतिक दल लगायत स्वतन्त्र व्यक्तिहुक्र आपन मनोनयन दर्ता करैल बाट । नेकपा एमाले, सत्तारुढ गठबन्धन (नेपाली काँग्रेस, नेकपा माओवादी केन्द्र, नेकपा एस, जसपा, जनमोर्चा), राप्रपा, नेकपा माले, मङ्गोल नेशनल अर्गनाइजेशन, विवकेशील साझासहित स्वतन्त्र उम्मेदवारहुक्र मनोनयन दर्ता करैलबाट । दाङके घोराहीम प्रमुखम नरुलाल चौधरी सहित १३ थारु हुक्र विभिन्न पालिकाम प्रमुख उप्रमुखम आपन उम्मेद्वारी डेल बाट ।

घोराही उपमहानगर
घोराही उपमहानगरम नेकपा एमालेके टरफसे मेयरम नरुलाल चौधरी व उपमेयरम हुमा डिसी मनोनयन दर्ता करैल बाट । पार्टी कार्यालय भरतपुरमसे हजारौं नेता, कार्यकता सहित बाजागाजा बजैटी मुख्य निर्वाचन अधिकृत कार्यालयम पुग्ख आपन उम्मेद्वारी दर्ता कर्लक् हुइट । ओस्टक गठबन्धनमसे मेयरम हेमराज शर्मा व उपमेयरम भुपबहादुर डाँगी उम्मेदवारी दर्ता करैल बाट । ओस्टक राप्रपामसे मेयरम सरिता देवकोटा, मालेमसे नेत्रप्रकाश पाण्डे, स्वतन्त्रमसे श्रीमणकुमार शर्मा न्यौपाने मनोनयन दर्ता कर्ल बाट । ओस्टक घोराहीम सिट बाँडफाँडम बात निमलल पाछ नेकपा एकीकृत समाजवादीके टरफसे मेयरम रामप्रसाद चौधरी व उमेयरम शोभा शाख फे आपन उम्मेदवारी डेल बाट । ओस्टक रेशम चौधरीके पार्टी नागरिक उन्मुक्ति पार्टीमे मेयरम शान्ता चौधरी मनोनयन दर्ता करल बाटी ।

 

तुलसीपुर उपमहानगर
ओस्टक नेकपा एमालेके टरफसे तुलसीपुरके मेयरम टीकाराम खड्का व उपमेयरम स्यानी चौधरी उम्मेदवारी दर्ता करैलबाट । बाजागाजा व र्यालीसहित मुख्य निर्वाचन अधिकृतके कार्यालयम पुग्ख खड्का व चौधरी उम्मेदवारी दर्ता करैलक हुइट । खड्का एमाले दाङक पूर्वअध्यक्ष व चौधरी अधिकारकर्मी तथा सामाजिक अभियान्ता हुइटी । ओसहक गठबन्धनके टरफसे मेयरम गेहेन्द्र गिरी व उपमेयरम जोगबहादुर राना उम्मेदवारी दर्ता करैल बाट । गिरी नेपाली काँग्रेसका केन्द्रीय सदस्य हुइट । गत स्थानिय तहके निर्वाचनम गिरी नेकपा एमालेके उम्मेदवार घनश्याम पाण्डेयसे पराजित हुइल रलह । ओस्टक रेशम चौधरीके पार्टी नागरिक उन्मुक्ति पार्टीमे मेयरम प्रभा चौधरी मनोनयन दर्ता करल बाटी । ओसहक लोकतान्त्रिक पार्टीमसे तुलसीपुरके मयेरम घनश्याम चौधरी फे आपन उम्मेदवारी डेल बाट ।

लमही नगरपालिका
लमहीम नेकपा एमालेके टरफसे मेयरम डण्डीराम चौधरी व उपमेयरम सुशीला शर्मा उम्मेदवारी दर्ता करैलबाटी । ओस्टक माओवादी केन्द्रके टरफसे मेयरम वसन्त शर्मा व उपमेयरम गङ्गा पाण्डे उम्मेद्वार दर्ता करैल बाट । नेपाली काँग्रेससमसे मेयरम जोगराज चौधरी व उपमेयरम लक्ष्मी योगी उम्मेद्वार दर्ता करैल बाट । लमहीम सत्ता गठबन्धनम सहमति निहुइल पाट माओवादी व काँग्रेस छुट्ट छुट्ट उम्मेदवारी दर्ता करैलक हुइट ।

दंगीशरण गाउँपालिका
दंगीशरणम नेकपा एमालेमसे अध्यक्षम एमन शाह व उपाध्यक्षम बुढनी चौधरी (विजया) आपन मनोनयन दर्ता कर्लबाट । माओवादी केन्द्रमसे अध्यक्षम मणिराम चौधरी व उपाध्यक्षम विनीता चौधरी उम्मेद्वारी डेल बाट । ओस्टक नेपाली काँग्रेसमसे अध्यक्षम सम्भु गिरी व उपाध्यक्षम पिमा खड्का उम्मेद्वारी डेल बाट । दंगीशरणम सत्तारुछ गठबन्धन कर्ना सहमति निजुटल पाछ सत्तारुढ गठबन्धन दलहुक्र छुट्ट छुट्ट उम्मेदवारी दर्ता करैलक हुइट ।

शान्तिनगर गाउँपालिका
शान्तिनगर गाउँपालिकाम एमालेके टरफसे अध्यक्षम विष्णु केसी व उपाध्यक्षम कमला भण्डारी उम्मेद्वारी दर्ता करैल बाट । नेपाली काँग्रेससे अध्यक्षम प्रमोद बस्नेत व उपाध्यक्षम प्रेमा केसी मनोनयन दर्ता करैल बाट । माओवादीके टरफसे अध्यक्षमा मोहन वली व उपाध्यक्षम राधिका परियार मनोनयन दर्ता करैलक् हुइट ।

बबई गाउँपालिका
नेकपा एमाले टरफसे बबई गाउँपालिकाके अध्यक्षम भुवनेश्वर पौडेल व उपाध्यक्षमा सावित्रा विश्वकर्मा मनोनयन दता करैल बाट । पौडेल व विश्वकर्मा २०७४ स्थानीय तह निर्वाचनम अध्यक्ष व उपाध्यक्ष निर्वाचित हुइल रलह । ओस्टक बबई गाउँपालिकाम नेपाली काँग्रेसमसे अध्यक्षम कुलबहादुर खत्री व उपाध्यक्षम बमकुमारी खडका मनोनयन दर्ता करैल बाट । माओवादी केन्द्रमसे अध्यक्षम भीमबहादुर वली व उपाध्यक्षम अञ्जु घर्ती मनोनयन दर्ता करैल बाट ।

राप्ती गाउँपालिका
राप्ती गाउँपालिकाम एमालेके टरफसे अध्यक्ष जगत पोख्रेल व उपाध्यक्ष कमलापति चौधरी उम्मेदवारी दर्ता करैल बाट । अध्यक्ष नेपाली काँग्रेसमसे अध्यक्षम जगदम्बाकुमारी चौधरी व उपाध्यक्षम हरि भुसाल उम्मेद्वारी डेल बाट । ओस्टक राप्ती गाउँपालिकाम माओवादीसे अध्यक्षम प्रकाश विष्ट व जनमोर्चामसे उपाध्यक्षम केशव खनाल उम्मेद्वारी दर्ता करैल बाट । राप्ती गाउँपालिकाम माओवादी व जनमोर्चाविच तालमेल हुइल बा ।

गढवा गाउँपालिका
नेकपा एमालेके टरफसे गढवा गाउँपालिकामा अध्यक्ष सहजराम अहिर व उपाध्यक्षम सीता चौधरी मनोनयन दर्ता करैल बाट । अहिर २०७४ के स्थानीय तहके निर्वाचनम अध्यक्षम निर्वाचत अध्यक्ष हुइट । नेपाली काग्रेसमसे अध्यक्षम सर्वजित डाँगी व उपाध्यक्षम शारदा चौधरी मनोनयन दर्ता करैल बाट । गढवाम नेकपा माओवादी केन्द्रके टरफसे अध्यक्षम यमनारायण शर्मा पोख्रेल व उपाध्यक्षम एकीकृत समाजवादीके शान्ति चौधरी मनोनयन दर्ता कर्ल बाट । गढवाम माओवादी ओ नेकपा एसके विचम तालमेल करल बाट ।

राजपुर गाउँपालिका
एमालेके टरफसे राजपुर गाउँपालिकाम अध्यक्ष कुलराज गिरी व उपाध्यक्षमा सीता यादव उम्मेदवारी डेल बाट । नेपाली काँग्रेसमसे अध्यक्षमा शरद बुढाथोकी व उपाध्यक्षम धनपती यादव उम्मेदवारी दर्ता करैल बाट । यादप २०७४ के स्थानीय तहके निर्वचनम उपाध्यक्षम निर्वाचित हुइल रलही । माओवादीमसे अध्यक्षम चक्रबहादुर खडका व उपाध्यक्षम पुष्पा यादवके उम्मेदावरी परल बा ।

बंगलाचुली गाउँपालिका
एमालेके टरफसे बङ्गलाचुली गाउँपालिकाके अध्यक्षम भेषराज खत्री व उपाध्यक्षमा सरस्वती घर्तीमगर मनोनयन दर्ता करैल बाट । सत्तारढ गठबन्धनके टरफसे अध्यक्ष सुवास पुन व उपाध्यक्ष भक्तबहादुर जिसी मनोनयन दर्ता करैल बाट । पुन माओवादी केन्द्रके सचिव हुइट कलसे जिसी नेपाली काँग्रेस हुइट ।

अग्रासन खबर

प्रतिक्रिया दिनुहोस्

संबन्धित समाचार

भर्खरै प्रकासित