टुहार उ खाली माँग सजाके रहो, मै बराट लेके अैबु
सक्कु गोहिन जुटैल रहो, मै बराट लेके अैबु
सुहावन नै डेख परट्, घर रङ्गिचङ्गी नै हुइल् कलसे,
घरम ध्वजा पटाका झुलाके रहा,े मै बराट लेके अैबु
जुनिजुनी सैयौ जुनि सङ्ग रहना, बाचा कसम करक्ला,
अङनक् बिच्चम जग्या बनाके वैठल रहो, मै बराट लेके अैबु
भुख पियास रहि महिसे बराट ख्याल जउइया गोचालिन्
मेरमेह्रिक खानपिन पकाके रहो, मै बराट लेके अैबु
डिजे डिस्को गानाम यी संसार डुबल बा, त फे टु आपन,
छोक्रा ओ झुम्रा नाच नचाके रहो, मै बराट लेके अैबु
हमार संस्कृति रितिरिवाज, हमार आपन् पहिचान हो,
बुदि बाजेन माँगर गवाके वैठल रहो, मै बराट लेके अैबु
हैसियत नै हो म्वार, टु नेङ्गना डगरिम फुला बिछैना,
डोलि ड््वालाके सामा कर्लरहो रहो मै बराट लेके अैबु
